باس پروكۋراتۋرا 18 ماۋسىمدا "بەسە" YouTube-ارناسىنىڭ اۆتورىنا جاسالعان قاستاندىققا قاتىستى كٷدٸكتٸلەردٸڭ بٸرٸ ۇستالعانىن مەلٸمدەدٸ.
ۆەدومستۆو مەلٸمەتٸنشە ۋكراينانىڭ قۇقىق قورعاۋ ورگاندارى قىسقا مەرزٸمدە وسى قاستاندىق ۇيىمداستىردى دەگەن كٷدٸكتٸلەردٸ انىقتاعان.
"باس پروكۋراتۋرا ۋكراينانىڭ قۇزٸرەتتٸ ورگاندارىنا جاكانباەۆ پەن كاراتاەۆتىڭ جاسالعان قىلمىسقا قاتىستىلىعى تۋرالى قىلمىستىق ٸستٸڭ ماتەريالدارىن بەرۋ تۋرالى حالىقارالىق تەرگەۋ تاپسىرماسىن جولدادى. 21 ماۋسىمدا ا.م. جاكانباەۆ قازاقستان رەسپۋبليكاسىنىڭ ٸشكٸ ٸستەر ورگاندارىنا ٶز بەتٸنشە حابارلاسىپ, ودان ٸستٸڭ مەن-جايى بويىنشا جاۋاپ الىندى. سول كٷنٸ ول وسى قىلمىستى جاسادى دەگەن كٷدٸكپەن ۇستالدى", – دەلٸنگەن حابارلامادا.
ال قاستاندىققا قاتىستى ەكٸنشٸ كٷدٸكتٸ م. كاراتاەۆ ەلٸ ٸزدەستٸرٸلٸپ جاتىر. باس پروكۋراتۋرا تەرگەۋ مٷددەسٸنە قاراي ٸستٸڭ مەن-جايىن جارييا ەتپەدٸ.
ەسكە سالايىق, 18 ماۋسىمدا ۋكراينادا وپپوزيتسيونەر ايدوس سادىقتى اتىپ كەتكەنٸ تۋرالى حابارلاعان ەدٸك.
Strana.ua باسىلىمى كيەۆتە بەلگٸسٸز بٸرەۋ بەلگٸلٸ قازاقستاندىق بەلسەندٸ ايدوس سادىقوۆقا وق اتتى دەپ, قۇقىق قورعاۋ ورگاندارىنداعى دەرەككٶزدٸ كەلتٸردٸ. قاستاندىق تٷس اۋا كيەۆتٸڭ شەۆچەنكوۆ اۋدانىندا بولعان. سادىقوۆ ەيەلٸ ەكەۋٸ كٶلٸككە جاقىنداعان كەزدە بەلگٸسٸز بٸرەۋ وق اتقان.
كەيٸن ايدوس سادىقتىڭ جۇبايى ناتاليا سادىقوۆا ايدوس سادىقتى ٶلتٸرمەك بولعان قىلمىسكەرلەردٸ انىقتاعانىن مەلٸمدەگەن.
