تۇماۋعا شالدىقپاۋ ٷشٸن دۇرىس تاماقتانىپ, ۋاقىتىلى ۇيىقتاۋ كەرەك. جۇمىستا بٸر ادام سىرقاتانىپ قالسا, ينفەكتسييانى بٷكٸل ۇجىمعا تاراتۋى مٷمكٸن. ال بۇل ەكونوميكاعا كەرٸ ەسەرٸن تيگٸزەدٸ. بۇل جايىندا قازاقستان رەسپۋبليكاسى دەنساۋلىق ساقتاۋ مينيسترلٸگٸ قوعامدىق دەنساۋلىق ساقتاۋ كوميتەتٸنٸڭ تٶراعاسى جانداربەك بەكشين №9 قالالىق ەمحانادا ٶتكەن بريفينگ بارىسىندا مەلٸمدەدٸ, دەپ حابارلادى Sputnik قازاقستان تٸلشٸسٸ.
جانداربەك بەكشين الدىمەن تۇماۋدىڭ الدىن الۋعا كٶمەكتەسەتٸن شارالار تۋرالى ايتتى.
"ادامنىڭ دەنٸ ساۋ بولۋى ٷشٸن دۇرىس تاماقتانىپ, ۋاقىتىلى ۇيىقتاۋدىڭ ماڭىزى زور. سونداي-اق, تاماق قۇرامىندا دەرۋمەندەر كٶپ بولۋى كەرەك. جيدەكتەردەن شىرعاناق پەن يتمۇرىندى شيكٸدەي نەمەسە قايناتىپ سۋىن ٸشۋگە كەڭەس بەرەمٸن. ال جەمٸستەردەن ليمون مەن گرەيفرۋتتىڭ پايداسى مول. ٶزٸمٸز حالىق ەمٸ رەتٸندە پايدالاناتىن پيياز بەن سارىمساق تۇماۋدى راسىمەن دە ەمدەيدٸ", — دەدٸ ول.
ەرٸ قاراي ول جۇمىس بەرۋشٸلەرگە قىزمەتكەرلەرٸنە ۆاكتسينا سالدىرۋعا كٶمەكتەسۋدٸ ٶتٸندٸ. سونداي-اق, مۇنىڭ قانداي جامان سالدارى بولۋى مٷمكٸن ەكەنٸن ايتىپ ٶتتٸ.
"ادامدار كٶپ جٷرەتٸن قوعامدىق ورىندارعا بارماعان جٶن. ەسٸرەسە, ەسٸك-تەرەزەسٸ اشىلمايتىن بٶلمەلەرگە كٸرمەۋ كەرەك. اۋىرىپ قالعان بولساڭىز, مٸندەتتٸ تٷردە بەتپەردە كيٸڭٸز. جۇمىس بەرۋشٸلەرگە قىزمەتكەرلەردٸڭ تۇماۋمەن اۋىرۋى ەكونوميكاعا كەرٸ ەسەرٸن تيگٸزەتٸنٸن ايتقىم كەلەدٸ. كٶپ ادام قاتار اۋىرىپ قالسا, ولاردىڭ بارلىعى ەمدەلۋگە مەجبٷر بولادى. سول سەبەپتٸ ەر جۇمىس بەرۋشٸ بەلگٸلٸ بٸر شارا قولدانىپ, قىزمەتكەرلەرٸنە ۆاكتسينا سالۋعا كٶمەكتەسسە نۇر ٷستٸنە نۇر بولاتىن ەدٸ. باسشىلار قول استىنداعى ادامداردىڭ اۋىرىپ قالماۋىنا جاعداي جاساۋى تيٸس. بٸرنەشە مينۋتتىق پايدا كەيٸن كەرٸ ەسەرٸن بەرٸپ, بٸر قىزمەتكەر تۇماۋدى بٷكٸل ۇجىمعا جۇقتىرۋى عاجاپ ەمەس", — دەدٸ تٶراعا.
قازاقستاندا بٷگٸندە كٶبٸنەسە ينفەكتسييالىق اۋرۋلارعا 5 جاسقا دەيٸنگٸ بالالار شالدىعادى. بەكشيننٸڭ ايتۋىنشا, ەرەسەكتەر ٶزدەرٸن ەمدەگەنٸمەن, بالالاردىڭ دەنساۋلىعىنا اسا مەن بەرمەيدٸ. دەلٸرەك ايتساق, ەلٸمٸزدە ينفەكتسييالىق اۋرۋلارعا شالدىققانداردىڭ 65-70%-ٸ بالالار مەن جاسٶسپٸرٸمدەر.
