جاڭا وقۋ جىلى باستالعان كەزدە ۆاكتسينانىڭ تولىق كومپونەنتٸن الىپ ٷلگەرمەگەن ستۋدەنتتەر ۆاكتسيناتسييانى وقۋ ورنى ورنالاسقان اۋماقتاعى مەديتسينالىق ۇيىمداردا اياقتايدى.
قر باس سانيتار دەرٸگەرٸ ەرلان قيياسوۆتىڭ جاڭا قاۋلىسىندا وسىلاي دەپ ايتىلعان, دەپ حابارلايدى قازاقپارات.
قۇجاتتا جاڭا وقۋ جىلى باستالعان كەزدە ۆاكتسينانىڭ تولىق كومپونەنتٸن الىپ ٷلگەرمەگەن ستۋدەنتتەردٸ وقۋ ورنى ورنالاسقان اۋماقتاعى مەديتسينالىق ۇيىمداردىڭ ەگۋ پۋنكتتەرٸندە ۆاكتسينالاۋ ۇيىمداستىرۋ كەرەكتٸگٸ ايتىلعان.
ال شەتەلدٸك ستۋدەنتتەر قازاقستان اۋماعىنا وقۋعا تۇرعىلىقتى ەلدٸڭ ۋەكٸلەتتٸ ورگانى راستاعان COVID-19-عا قارسى ۆاكتسيناتسييالاۋدىڭ تولىق كۋرسى بولعان جاعدايدا عانا جٸبەرٸلەدٸ.
«شەتەلدٸك ستۋدەنتتەر قازاقستان رەسپۋبليكاسىنىڭ مەملەكەتتٸك شەكاراسىنان ٶتكەننەن كەيٸن 3 تەۋلٸكتەن كەشٸكتٸرمەي پتر ەدٸسٸمەن الىنعان COVID-19-عا تەستٸلەۋدٸڭ تەرٸس نەتيجەسٸ بار بولعان جاعدايدا كٷندٸزگٸ وقۋ فورماتىنا جٸبەرٸلسٸن», - دەپ جازىلعان قۇجاتتا.
سونداي-اق, مەديتسينالىق كوللەدجدەر مەن جوعارى وقۋ ورىندارىنىڭ بٸلٸم الۋشىلارىنا كلينيكالىق بازالارعا, رەزيدەنتۋرا بازالارىنا, دەنساۋلىق ساقتاۋ سالاسىنداعى بٸلٸم بەرۋ ۇيىمدارىنىڭ كلينيكالارىنا, ۋنيۆەرسيتەت اۋرۋحاناسىنا, ينتەگراتسييالانعان اكادەمييالىق مەديتسينالىق ورتالىققا ۆاكتسينالاۋ پاسپورتىمەن راستالعان COVID-19-عا قارسى ۆاكتسينالاۋدىڭ تولىق كۋرسى بار بولعان كەزدە كٸرۋٸنە رۇقسات ەتٸلەدٸ.
