Jańa oqý jyly bastalǵan kezde vaktsinanyń tolyq komponentin alyp úlgermegen stýdentter vaktsinatsiiany oqý orny ornalasqan aýmaqtaǵy meditsinalyq uiymdarda aiaqtaidy.
QR bas sanitar dárigeri Erlan Qiiasovtyń jańa qaýlysynda osylai dep aitylǵan, dep habarlaidy QazAqparat.
Qujatta jańa oqý jyly bastalǵan kezde vaktsinanyń tolyq komponentin alyp úlgermegen stýdentterdi oqý orny ornalasqan aýmaqtaǵy meditsinalyq uiymdardyń egý pýnktterinde vaktsinalaý uiymdastyrý kerektigi aitylǵan.
Al sheteldik stýdentter Qazaqstan aýmaǵyna oqýǵa turǵylyqty eldiń ýákiletti organy rastaǵan COVID-19-ǵa qarsy vaktsinatsiialaýdyń tolyq kýrsy bolǵan jaǵdaida ǵana jiberiledi.
«Sheteldik stýdentter Qazaqstan Respýblikasynyń Memlekettik shekarasynan ótkennen keiin 3 táýlikten keshiktirmei PTR ádisimen alynǵan COVID-19-ǵa testileýdiń teris nátijesi bar bolǵan jaǵdaida kúndizgi oqý formatyna jiberilsin», - dep jazylǵan qujatta.
Sondai-aq, meditsinalyq kolledjder men joǵary oqý oryndarynyń bilim alýshylaryna klinikalyq bazalarǵa, rezidentýra bazalaryna, densaýlyq saqtaý salasyndaǵy bilim berý uiymdarynyń klinikalaryna, ýniversitet aýrýhanasyna, integratsiialanǵan akademiialyq meditsinalyq ortalyqqa vaktsinalaý pasportymen rastalǵan COVID-19-ǵa qarsy vaktsinalaýdyń tolyq kýrsy bar bolǵan kezde kirýine ruqsat etiledi.
