قر باس پروكۋرورى جاقىپ اسانوۆ كەسٸپكەرلەردٸ نەگٸزسٸز قىلمىستىق ٸستەرمەن مەزٸ ەتكەن ەكونوميكالىق تەرگەۋ ورگاندارىن سىنعا الدى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
باس پروكۋراتۋرانىڭ دەرەكتەرٸ بويىنشا, قازٸرگٸ ۋاقىتتا سالىق ورگاندارىنىڭ تەۋەكەلدٸ كەسٸپورىندار, كٷمەندٸ وپەراتسييالار تۋرالى xابارلامالارى قىلمىستىق ٸسكە اينالۋدا. ەكونوميكالىق قىلمىستار تۋرالى 10 بەلگٸنٸڭ 7-ۋٸن قۇزىرلى ورگانداردىڭ ٶزدەرٸ بەرگەن. نەتيجەسٸندە مۇنداي xابارلامالار ەكٸ ەسەگە ٶسكەن. سەيكەسٸنشە, سالىقتىق تەكسەرۋلەر دە ەكٸ ەسە ارتقان. دەگەنمەن, ەربٸر ەكٸنشٸ قىلمىستىق ٸس توقتاتىلعان. ولار قۇزىرلى ورگاننىڭ اكتٸسٸ بولماعاندىقتان توقتاتىلىپتى.
«9 مىڭ ٸس قوزعالىپ, ول بويىنشا قىلمىستىق پروتسەسس باستالعان. تەرگەۋ, شەكتەۋ شارالارى, شوتقا توقتام سالۋ - قۇقىق قورعاۋ ورگاندارىنىڭ جۇمىس فورماتى مٷلدەم باسقا. سالىق ورگاندارى - قاداعالاۋ ورگاندارى ەمەس. بۇل پروتسەستٸ قۇقىق قورعاۋ ورگاندارى جٷرگٸزەدٸ. سول قىلمىستىق ٸستەردٸڭ جارتىسىنان استامى توقتاتىلعان. وسىنداي قىلمىستىق قۋدالاۋدىڭ باستاماشىلارى مەملەكەتتٸك كٸرٸستەر كوميتەتٸنٸڭ ەكٸ ورگانى, بٸر-بٸرٸمەن xات الماسىپ, كٸمگە قىلمىستىق ٸس قوزعاعىسى كەلدٸ, سوعان قوزعايدى. بۇنداي بىلىق, كەز كەلگەن مەملەكەتتە بارلىق ەكونوميكالىق تەرگەۋ ورگاندارىنىڭ باسشىلىعىن جۇمىستان شىعارۋعا جەتەر ەدٸ. وسى ەرەكەتتەردٸ دەر ۋاقىتىندا بايقاپ, توسقاۋىل بولماعان پروكۋرورلار دا بار», - دەدٸ ج. اسانوۆ قر باس پروكۋراتۋرانىڭ القا مەجٸلٸسٸندە.
باس پروكۋروردىڭ ورىنباسارى مارات اxمەتجانوۆتىڭ سٶزٸنشە, قىلمىستىق قۋدالاۋعا ۇشىراعان, الايدا, قىلمىس قۇرامى بولماعاندىقتان كەيٸن توقتاتىلعان ٸستەردٸڭ تەرگەۋ xرونومەتراجى جاسالعان. ول ورتاشا ەسەپپەن 90 كٷنگە جالعاسقان.
«بيزنەسمەندەرگە وسى ٷش ايدىڭ ٸشٸندە قۇقىق قورعاۋشىلاردىڭ بارلىق قۋدالاۋ ارسەنالى قولدانىلادى: تٸنتۋ, جاۋاپ الۋ, شوتقا توقتام سالۋ. مۇنداي قىسىمعا شىدايتىندار از. مىسالى, مەملەكەتتٸك كٸرٸستەر كوميتەتٸنٸڭ بەلگٸسٸ بويىنشا, 5,5 ملن تەڭگەگە وپەراتسييا جاسالعانى ٷشٸن شىمكەنتتە «ينتەرن فتور شىمكەنت» كومپانيياسىنىڭ قىزمەتٸ نەگٸزسٸز ٷش ايعا توقتاتىلعان. ونى نەگٸزسٸز جالعان كەسٸپكەرلٸك بويىنشا قىلمىستىق ٸس قوزعالعان. ەسەپشوتىنا توقتام سالىپ, قۇجاتتارىن الىپ قويعان, كەلٸسٸمشارتتار جاساۋعا تىيىم سالعان, سالىقتىق تەكسەرٸس تاعايىنداعان. ٶز كەزەگٸندە ول تەكسەرٸس ەشقانداي زاڭ بۇزۋ ەرەكەتٸن انىقتاماعان. وسى ۋاقىت ارالىعىندا بۇل فيرما ٶزٸنٸڭ ٸسكەرلٸك بەدەلٸن جوعالتتى, جەتكٸزۋشٸلەر سىرت اينالعان, فيرما قازٸرگٸ ۋاقىتتا بانكروتتىققا ۇشىرادى, جۇمىس ورىندارى جابىلدى», - دەيدٸ اxمەتجانوۆ.
ونىڭ سٶزٸنشە, ەربٸر التىنشى قىلمىس قانا راستالعان.
«ەكونوميكالىق تەرگەۋ ورگاندارىنا ايتامىن, سٸزدەر پرەزيدەنت سالىپ جاتقان ەكونوميكالىق ساياساتقا توسقاۋىل بولىپ جاتىرسىزدار. كٶردٸڭٸزدەر مە, قانداي سۇمدىق! سٸزدەردٸ بيزنەسكە جٸبەرٸپ, ٶزدەرٸڭدٸ جۇمىس ٸستەتۋ كەرەك», - دەدٸ باس پروكۋرور ج. اسانوۆ.
