قازاقستاندا 9 ماۋسىمدا ٶتەتٸن كەزەكتەن تىس پرەزيدەنت سايلاۋىنا بايلانىستى ساۋالناما جٷرگٸزگەن ەكٸ ازامات ەكٸمشٸلٸك جاۋاپقا تارتىلدى. بۇل تۋرالى 23 مامىردا قازاقستان باس پروكۋراتۋراسى ٶزٸنٸڭ رەسمي سايتىندا حابارلادى.
پروكۋراتۋرا تاراتقان حابارعا قاراعاندا, "ۆكونتاكتە" ەلەۋمەتتٸك جەلٸسٸندە سايلاۋ بويىنشا قوعامدىق پٸكٸرگە ساۋال سالعان الماتى قالاسىنىڭ تۇرعىنى 17 مامىردا 15 ايلىق ەسەپتٸك كٶرسەتكٸش مٶلشەرٸندە (37 875 تەڭگە) ايىپپۇلعا كەسٸلگەن. ۆەدومستۆو حابارىندا "Facebook" ەلەۋمەتتٸك جەلٸسٸندە جاساعان قۇقىق بۇزۋشىلىعى ٷشٸن الماتى وبلىسىنىڭ تۇرعىنى تاپ وسىنداي ەكٸمشٸلٸك جاۋاپقا تارتىلدى" دەپ جازىلعان.
بۇعان دەيٸن, 21 مامىردا قازاقستان ادام قۇقىقتارى جٶنٸندەگٸ حالىقارالىق بيۋرو تالدىقورعاندا نۇر يتجانوۆ ەسٸمدٸ بەلسەندٸنٸڭ سايلاۋ تۋرالى ساۋالناما جٷرگٸزگەنٸ ٷشٸن 37 875 تەڭگە ايىپپۇلعا كەسٸلگەنٸن حابارلاعان. 23 مامىردا بيۋرو اپەللياتسييالىق سوت بەلسەندٸگە شىققان شەشٸمدٸ ٶزگەرٸسسٸز قالدىرعانىن جازدى.
پروكۋراتۋرا قازاقستاندىق "Nur.kz" منتەرنەت-رەسۋرسىنىڭ دا ورتالىق سايلاۋ كوميسسيياسىنا ەسكەرتۋسٸز ساۋالناما جٷرگٸزگەنٸن جازعانىمەن, باسىلىمنىڭ قانداي جاۋاپقا تارتىلعانىن كٶرسەتپەگەن.
ۆەدومستۆو قازاقستان ەكٸمشٸلٸك قۇقىق بۇزۋشىلىق تۋرالى كودەكستٸڭ 120-بابىندا سايلاۋعا بايلانىستى قوعامدىق پiكiرگە ساۋال سالۋدى جٷرگiزۋ شارتتارىن بۇزعاندار جاۋاپقا تارتىلاتىنىن ەسكەرتكەن. زاڭ بويىنشا, ساۋالناما جٷرگٸزۋ ەرەجەسٸن بۇزعان جەكە تۇلعالارعا – 15, زاڭدى تۇلعالارعا 30 ايلىق ەسەپتٸك كٶرسەتكٸش مٶلشەرٸندە ايىپپۇل سالىنادى.
قازاقستاندا كەزەكتەن تىس پرەزيدەنت سايلاۋى 9 ماۋسىمدا ٶتەدٸ. ورتالىق سايلاۋ كوميسسيياسى جەتٸ ادامدى پرەزيدەنتتٸككە كانديدات رەتٸندە تٸركەگەن:
- سەدٸ-بەك تٷگەل - "ۇلى دالا قىراندارى" رەسپۋبليكالىق قوزعالىسى;
- قازٸرگٸ پرەزيدەنت قاسىم-جومارت توقاەۆ - "نۇر وتان" پارتيياسى;
- امانگەلدٸ تاسپيحوۆ - قازاقستان كەسٸپوداقتار فەدەراتسيياسى;
- دانييا ەسپاەۆا - "اق جول" پارتيياسى,
- تٶلەۋتاي راحىمبەكوۆ - "اۋىل" پارتيياسى;
- جامبىل احمەتبەكوۆ - "قازاقستان كومۋنيستٸك حالىق پارتيياسى";
- ەمٸرجان قوسانوۆ - "ۇلت تاعدىرى" قوزعالىسى.
11 مامىردا ەلدە سايلاۋ الدىنداعى ٷگٸت-ناسيحات كەزەڭٸ باستالدى. ول 8 ماۋسىمعا دەيٸن سوزىلماق.
