سانيتارلىق-ەپيدەميولوگييالىق قىزمەت ازاماتتاردى مٸندەتتٸ ۆاكتسينالاۋعا تارتا الادى. بٸراق ول تالاپتىڭ ورىندامالعانى ٷشٸن جۇمىس بەرۋشٸلەرگە ايىپپۇل سالا المايدى. باس پروكۋراتۋرانىڭ «اتامەكەن» ۇلتتىق كەسٸپكەرلەر پالاتاسىنىڭ ساۋالىنا بەرگەن جاۋابىن قىسقاشا وسىلاي سيپاتتاۋعا بولادى, دەپ حابارلايدى "ۇلت اقپارات".
اپتا باسىندا «اتامەكەن» ۇلتتىق كەسٸپكەرلەر پالاتاسى باس پروكۋراتۋراعا مٸندەتتٸ ۆاكتسيناتسييا تالاپتارىن ورىنداۋ بويىنشا كەسٸپورىندارعا تەكسەرۋ جٷرگٸزۋدٸڭ زاڭدىلىعى تۋرالى ساۋال جولداعان بولاتىن.
باس پروكۋراتۋرانىڭ ينتەرنەتكە تاراعان جاۋابىندا بۇل مەسەلەگە بايلانىستى بٸرنەشە ماڭىزدى پايىمدار ايتىلعان.
سانيتار دەرٸگەردٸڭ قاۋلىسى – زاڭ ەمەس
«كونستيتۋتسييانىڭ 39-بابى بويىنشا ادامنىڭ جەنە ازاماتتىڭ قۇقىقتارى مەن بوستاندىقتارى كونستيتۋتسييالىق قۇرىلىستى قورعاۋ, قوعامدىق تەرتٸپتٸ, ادامنىڭ قۇقىقتارى مەن بوستاندىقتارىن, حالىقتىڭ دەنساۋلىعى مەن يماندىلىعىن ساقتاۋ ٷشٸن قاجەتتٸ شامادا عانا جەنە تەك زاڭمەن شەكتەلۋٸ مٷمكٸن» - دەپ جازىلعا باس پروكۋراتۋرانىڭ جاۋابىندا.
مٸندەتتٸ ۆاكتسيناتسييا زاڭدا قاراستىرىلعان
«حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكستٸڭ 77-بابى 1-تارماعىنىڭ 18) تارماقشاسى بويىنشا ازاماتتار ەمدەلۋگە جەنە باسقا دا مەديتسينالىق شارالارعا, ونىڭ ٸشٸندە پروفيلاكتيكالىق ەكپە جٷرگٸزۋگە اقپاراتتاندىرا وتىرىپ كەلٸسٸم بەرۋگە نەمەسە باس تارتۋعا قۇقىلى», - دەلٸنگەن باس پروكۋراتۋرا تٷسٸندٸرمەسٸندە.
دەگەنمەن اتالمىش كودەكستەگٸ 85-باپتىڭ 2-تارماعى بويىنشا پروفيلاكتيكالىق ەكپەلەر مٸندەتتٸ جەنە ەرٸكتٸ بولىپ بٶلٸنەدٸ. مٸندەتتٸ پروفيلاكتيكالىق ەكپەلەرگە جوسپارلى پروفيلاكتيكالىق جەنە ەپيدەميولوگييالىق كٶرسەتكٸشتەر بويىنشا سالىناتىن ەكپەلەر جاتادى. كوروناۆيرۋسقا قارسى ۆاكتسينا وسى ەكٸنشٸ ەپيدەميولوگييالىق كٶرسەتكٸشتەر بويىنشا سالىنىپ وتىر.
«ەل اۋماعىندا تۇراقتى تۇراتىن جەكە تۇلعالار ينفەكتسييالىق جەنە پارازيتتٸك اۋرۋلارعا قارسى مٸندەتتٸ پروفيلاكتيكالىق ەكپەلەردٸ الۋعا مٸندەتتٸ. مٸندەتتٸ پروفيلاكتيكالىق ەكپە جٷرگٸزٸلەتٸن اۋرۋلاردىڭ تٸزبەسٸن, ولاردى جٷرگٸزۋ تەرتٸبٸن, مەرزٸمدەرٸن جەنە ەكپە الۋعا مٸندەتتٸ توپتاردى ٷكٸمەت ايقىندايدى. كوروناۆيرۋس ينفەكتسيياسى سول تٸزٸمگە ەنگٸزٸلگەن. وسىلايشا, ەپيدەميولوگييالىق كٶرسەتكٸشتەر بويىنشا مەديتسينالىق قارسى كٶرسەتٸلٸمدەرٸ جوق جەكە تۇلعالار پروفيلاكتيكالىق ەكپە الۋى كەرەك», - دەپ تٷسٸندٸرەدٸ باس پروكۋراتۋرا. ياعني, كودەكس ەكپەگە ەرٸكتٸ تٷردە كەلٸسٸم بەرۋگە جەنە ەپيدكٶرسەتكٸشتەر بويىنشا مٸندەتتٸ ۆاكتسينالاۋعا جول بەرەدٸ.
كومپانييا قىزمەتكەرلەرٸنٸڭ ەكپە الۋ كٶرسەتكٸشٸن تەكسەرۋ كەسٸپكەرلٸك كودەكسكە قايشى
باس پروكۋراتۋرا ەكٸمشٸلٸك قۇقىق بۇزۋ تۋرالى كودەكستٸڭ 462-بابىنىڭ 3-بٶلٸگٸ بويىنشا, كومپانييالار ٶزٸنە زاڭدى نەگٸزدە بەرٸلگەن سانيتارلىق-ەپيدەميولوگييالىق باقىلاۋ قىزمەتكەرلەرٸنٸڭ اكتٸلەرٸن ورىنداماعانى ٷشٸن جاۋاپقا تارتىلۋى مٷمكٸن ەكەنٸن راستايدى. بٸراق سانيتارلىق ەپيدەميولوگييالىق قىزمەت جۇمىس بەرۋشٸلەرگە ناقتى تەكسەرۋ قورىتىندىسى بويىنشا عانا ايىپپۇل سالا الادى.
ال كەسٸپكەرلٸك كودەكستٸڭ 143-بابىنىڭ 3-تارماعى بويىنشا كومپانييالاردى ارنايى بارىپ باقىلاۋ جەنە قاداعالاۋ تەكسەرۋ پاراعىندا بەكٸتٸلگەن تالاپتار بويىنشا عانا جٷرگٸزٸلۋٸ كەرەك. حالىقتىڭ سانيتارلىق-ەپيدەميولوگييالىق ەل-اۋقاتى سالاسىنداعى تەكسەرۋ پاراقتارىندا «ەكپە بولۋى كەرەك» دەگەن تالاپ جوق.
«وسىعان بايلانىستى اتالعان مەسەلە بويىنشا تەكسەرۋلەر تاعايىندالمايدى, قۇقىقتىق ستاتيستيكا جەنە ارنايى ەسەپكە الۋ ورگاندارىندا تٸركەلمەيدٸ, ال جۇمىس بەرۋشٸلەر ەكٸمشٸلٸك قۇقىق بۇزۋ تۋرالى كودەكستٸڭ 462-بابىنىڭ 3-بٶلٸگٸ بويىنشا جاۋاپكەرشٸلٸككە تارتىلمايدى. سونداي-اق, ەقبتك-نٸڭ 425-بابى (حالىقتىڭ سانيتارلىق-ەپيدەميولوگييالىق ەل-اۋقاتى سالاسىنداعى زاڭناما تالاپتارىن بۇزۋ) بويىنشا ەكٸمشٸلٸك جازا قولدانۋعا نەگٸز جوق. ٶيتكەنٸ باس مەملەكەتتٸك سانيتارلىق دەرٸگەردٸڭ قاۋلىسى نورماتيۆتٸك قۇقىقتىق اكت بولىپ تابىلمايدى جەنە زاڭنامالىق قۇجاتقا جاتپايدى», - دەپ جازىلعان قۇزىرلى ورگاننىڭ تٷسٸندٸرمەسٸندە.
