Sanitarlyq-epidemiologiialyq qyzmet azamattardy mindetti vaktsinalaýǵa tarta alady. Biraq ol talaptyń oryndamalǵany úshin jumys berýshilerge aiyppul sala almaidy. Bas prokýratýranyń «Atameken» ulttyq kásipkerler palatasynyń saýalyna bergen jaýabyn qysqasha osylai sipattaýǵa bolady, dep habarlaidy "Ult aqparat".
Apta basynda «Atameken» ulttyq kásipkerler palatasy Bas prokýratýraǵa mindetti vaktsinatsiia talaptaryn oryndaý boiynsha kásiporyndarǵa tekserý júrgizýdiń zańdylyǵy týraly saýal joldaǵan bolatyn.
Bas prokýratýranyń internetke taraǵan jaýabynda bul máselege bailanysty birneshe mańyzdy paiymdar aitylǵan.
Sanitar dárigerdiń qaýlysy – zań emes
«Konstitýtsiianyń 39-baby boiynsha adamnyń jáne azamattyń quqyqtary men bostandyqtary konstitýtsiialyq qurylysty qorǵaý, qoǵamdyq tártipti, adamnyń quqyqtary men bostandyqtaryn, halyqtyń densaýlyǵy men imandylyǵyn saqtaý úshin qajetti shamada ǵana jáne tek zańmen shektelýi múmkin» - dep jazylǵa Bas prokýratýranyń jaýabynda.
Mindetti vaktsinatsiia zańda qarastyrylǵan
«Halyq densaýlyǵy jáne densaýlyq saqtaý júiesi týraly» kodekstiń 77-baby 1-tarmaǵynyń 18) tarmaqshasy boiynsha azamattar emdelýge jáne basqa da meditsinalyq sharalarǵa, onyń ishinde profilaktikalyq ekpe júrgizýge aqparattandyra otyryp kelisim berýge nemese bas tartýǵa quqyly», - delingen Bas prokýratýra túsindirmesinde.
Degenmen atalmysh kodekstegi 85-baptyń 2-tarmaǵy boiynsha profilaktikalyq ekpeler mindetti jáne erikti bolyp bólinedi. Mindetti profilaktikalyq ekpelerge josparly profilaktikalyq jáne epidemiologiialyq kórsetkishter boiynsha salynatyn ekpeler jatady. Koronavirýsqa qarsy vaktsina osy ekinshi epidemiologiialyq kórsetkishter boiynsha salynyp otyr.
«El aýmaǵynda turaqty turatyn jeke tulǵalar infektsiialyq jáne parazittik aýrýlarǵa qarsy mindetti profilaktikalyq ekpelerdi alýǵa mindetti. Mindetti profilaktikalyq ekpe júrgiziletin aýrýlardyń tizbesin, olardy júrgizý tártibin, merzimderin jáne ekpe alýǵa mindetti toptardy Úkimet aiqyndaidy. Koronavirýs infektsiiasy sol tizimge engizilgen. Osylaisha, epidemiologiialyq kórsetkishter boiynsha meditsinalyq qarsy kórsetilimderi joq jeke tulǵalar profilaktikalyq ekpe alýy kerek», - dep túsindiredi Bas prokýratýra. Iaǵni, Kodeks ekpege erikti túrde kelisim berýge jáne epidkórsetkishter boiynsha mindetti vaktsinalaýǵa jol beredi.
Kompaniia qyzmetkerleriniń ekpe alý kórsetkishin tekserý Kásipkerlik kodekske qaishy
Bas prokýratýra Ákimshilik quqyq buzý týraly kodekstiń 462-babynyń 3-bóligi boiynsha, kompaniialar ózine zańdy negizde berilgen sanitarlyq-epidemiologiialyq baqylaý qyzmetkerleriniń aktilerin oryndamaǵany úshin jaýapqa tartylýy múmkin ekenin rastaidy. Biraq sanitarlyq epidemiologiialyq qyzmet jumys berýshilerge naqty tekserý qorytyndysy boiynsha ǵana aiyppul sala alady.
Al Kásipkerlik kodekstiń 143-babynyń 3-tarmaǵy boiynsha kompaniialardy arnaiy baryp baqylaý jáne qadaǵalaý tekserý paraǵynda bekitilgen talaptar boiynsha ǵana júrgizilýi kerek. Halyqtyń sanitarlyq-epidemiologiialyq ál-aýqaty salasyndaǵy tekserý paraqtarynda «ekpe bolýy kerek» degen talap joq.
«Osyǵan bailanysty atalǵan másele boiynsha tekserýler taǵaiyndalmaidy, quqyqtyq statistika jáne arnaiy esepke alý organdarynda tirkelmeidi, al jumys berýshiler Ákimshilik quqyq buzý týraly kodekstiń 462-babynyń 3-bóligi boiynsha jaýapkershilikke tartylmaidy. Sondai-aq, ÁQBtK-niń 425-baby (Halyqtyń sanitarlyq-epidemiologiialyq ál-aýqaty salasyndaǵy zańnama talaptaryn buzý) boiynsha ákimshilik jaza qoldanýǵa negiz joq. Óitkeni bas memlekettik sanitarlyq dárigerdiń qaýlysy normativtik quqyqtyq akt bolyp tabylmaidy jáne zańnamalyq qujatqa jatpaidy», - dep jazylǵan quzyrly organnyń túsindirmesinde.
