قر باس پروكۋراتۋراسى ارنايى پروكۋرورلارى قىزمەتٸنٸڭ باسشىسى ريزابەك وجاروۆ قورداي وقيعاسى بويىنشا جٷرگٸزٸلٸپ جاتقان قىلمىستىق تەرگەپ-تەكسەرۋ جۇمىستارى تۋرالى باياندادى, دەپ حابارلايدى قازاقپارات.
«وسى جىلدىڭ 7-8 اقپانىندا قورداي اۋدانىنىڭ ٷش اۋىلىندا 2 مىڭنان استام ادامنىڭ قاتىسۋىمەن جاپپاي تەرتٸپسٸزدٸكتەر بولدى. سونىڭ سالدارىنان 11 ادام قازا بولدى, ونىڭ 10-ى ٶلتٸرٸلگەن. بٸر ادامنىڭ مەيٸتٸ ٶرتەنگەن ساۋدا ٷيٸنٸڭ اراسىنان تابىلدى. 140 ادام مەن 20 پوليتسييا قىزمەتكەرٸ تٷرلٸ جاراقات الدى. 164 تۇرعىن ٷي مەن ساۋدا نىسانى, 100-دەن استام اۆتوماشينا بٷلٸندٸ. 342 ادام جەبٸرلەنۋشٸ دەپ تانىلدى. 400-دەن استام تٷرلٸ سوت ساراپتامالارى جاسالدى. مىڭ جارىمنان استام ادامنان جاۋاپ الىندى», - دەدٸ ريزابەك وجاروۆ ورتالىق كوممۋنيكاتسييالار قىزمەتٸندە ٶتكەن ونلاين باسپاسٶز مەسليحاتىندا.
سپيكەر تەرتٸپسٸزدٸكتەردٸ باستاۋشىلاردىڭ جەنە ولارعا قاتىسقانداردىڭ جانجالداسقان ەكٸ تاراپتان دا بولعانىن اتاپ ٶتتٸ. قىلمىستىق جاۋاپقا 59 ادام تارتىلىپ جاتىر, ولاردىڭ اراسىندا تٷرلٸ ۇلت ٶكٸلدەرٸ, سونىڭ ٸشٸندە قازاقتار مەن دٷنگەندەر بار.
مەملەكەت باسشىسى قاسىم-جومارت توقاەۆتىڭ تاپسىرماسىمەن قورداي وقيعاسى بويىنشا قىلمىستىق ٸستەردٸ تەرگەپ-تەكسەرۋ ەرەكشە باقىلاۋعا الىندى. وسى ماقساتتا باس پروكۋرور ارنايى پروكۋروردىڭ باسشىلىعىمەن ۆەدومستۆوارالىق تەرگەۋ توبىن قۇردى.
«بٸز ادام ٶلتٸرۋ, جاپپاي تەرتٸپسٸزدٸكتەرگە قاتىسۋ, پوليتسييا قىزمەتكەرٸنٸڭ ٶمٸرٸنە قول سۇعۋشىلىق, ۇرلىق, توناۋ, قاراقشىلىق جەنە مٷلٸكتٸ جويۋ فاكتٸلەرٸ بويىنشا 29 قىلمىستىق ٸستٸ تەرگەپ-تەكسەرٸپ جاتىرمىز. كٷش قولدانعان جەنە ماسانشى, بۇلان باتىر, اۋقاتتى اۋىلدارى تۇرعىندارىنىڭ مٷلكٸن قيراتۋعا, ٶرتەۋگە, بۇزۋعا قاتىسقانداردىڭ نەگٸزگٸ بٶلٸگٸ – جاستار, جۇمىسسىزدار. ولاردىڭ اراسىندا ادام ٶلتٸرۋ, قاراقشىلىق, بۇزاقىلىق, توناۋ, زورلاۋ ٷشٸن سوتتى بولعاندار دا بار. تەرتٸپسٸزدٸك بارىسىندا قىلمىستار دەنساۋلىق پەن ازاماتتاردىڭ مٷلكٸنە بارىنشا زييان كەلتٸرۋ ٷشٸن اتىس قارۋىن, «مولوتوۆ كوكتەيلٸ» دەپ اتالاتىن جاندىرعىش قوسپالارىن, تاستار مەن ٶزگە دە قولدا بار قۇرالداردى پايدالانۋ ارقىلى جاسالعان», - دەدٸ ول.
ال كٷدٸكتٸلەردٸڭ وقيعاعا قاتىستىلىعى كۋەلاردىڭ ايعاقتارىمەن, ەلدٸمەكەندەردە ورنالاسقان بەينەكامەرالارمەن, ۇيالفى تەلەفونعا تٷسٸرٸلگەن قولدا بار بەينەجازبالار ارقىلى راستالدى. جاپپاي تەرتٸپسٸزدٸكتەرگە قاتىسقانى انىقتالعان ەربٸر كٷدٸكتٸڭ ەرەكەتٸنە ٸس بويىنشا جينالعان بارلىق ايعاققا مۇقييات تالداۋ جاساعاننان كەيٸن باعا بەرٸلدٸ. بوستاندىقتا جٷرگەن 12 كٷدٸكتٸ ادامعا جەكە كەپٸلگەرلٸك تٷرٸندەگٸ بۇلتارتپاۋ شاراسى تاڭدالعان.
«كٸنەسٸن مويىنداعاندارى, تەرگەۋگە كٶمەكتەسكەندەر, قىلمىس جاساۋداعى ەكٸنشٸ دەڭگەيدەگٸ رٶلدە بولعاندار وتباسىلىق جەنە دەنساۋلىق جاعدايلارى ەسكەرٸلە وتىرىپ 8 ادام قاماۋدان بوساتىلدى. كٷزەت قويىلعان ادامداردىڭ قۇقىقتارىن ٸسكە اسىرۋ ماقساتىندا كارانتين جاعدايىندا بارلىق قاماۋداعىلارعا تۋىستارىمەن بەينەبايلانىس ارقىلى سٶيلەسۋگە مٷمكٸندٸك بەرٸلدٸ. ۆەدومستۆوارالىق تەرگەۋ توبى ٸستٸڭ مەن-جايىن تولىق وبەكتيۆتٸ, جان-جاقتى زەرتتەۋدٸ قامتاماسىز ەتۋ بويىنشا جۇمىستى جالعاستىرۋدا. باسقا اقپارات قىلمىستىق-پروتسەستٸك كودەكستٸڭ 201-بابىنا سەيكەس جارييالاۋعا جاتپايدى», - دەدٸ سپيكەر.
سونىمەن بٸرگە, ارنايى پروكۋرورلارى قىزمەتٸنٸڭ باسشىسى كٷدٸكتٸلەردٸڭ زاڭ الدىندا بٸردەي ەكەنٸن ايتىپ, تۇرعىندارعا ٷندەۋ جاسادى.
«قۇرمەتتٸ ازاماتتار! سوڭعى كەزدەرٸ ەرتٷرلٸ ادامدار تاراپىنان جٷرگٸزٸلٸپ وتىرعان تەرگەۋ-تەكسەرۋدٸڭ وبەكتيۆتٸ ەمەستٸگٸ جەنە اعاتتىقپەن جٷرگٸزٸلگەنٸ تۋرالى راستالماعان اقپارات ايتىلىپ جٷر. تەرگەۋ ٷشٸن بارلىق كٷدٸكتٸ ۇلتىنا قاراماستان, قازاقستان رەسپۋبليكاسىنىڭ ازاماتتارى بولىپ سانالاتىنىن ەرەكشە اتاپ ٶتكٸم كەلەدٸ. بٸزدٸڭ نەگٸزگٸ زاڭىمىز – كونستيتۋتسييا ۇلتىنا بايلانىستى قانداي دا بٸر كەمسٸتۋگە تىيىم سالادى. تەرگەپ-تەكسەرۋ بارىسىندا تەك قانا قىلمىستىق پروتسەستٸڭ زاڭنامالىق نورمالارىن باسشىلىققا الامىز. بارلىق كٷدٸكتٸلەر بٸلٸكتٸ زاڭگەرلٸك كٶمەكپەن قامتاماسىز ەتٸلگەن. ولار قاتىساتىن ەربٸر تەرگەۋ ٸس-قيمىلى ادۆوكاتتىڭ كٶز الدىندا ٶتەدٸ. ۆەدومستۆوارالىق جەدەل تەرگەۋ توبى مٷشەلەرٸنٸڭ قۇقىققا سىيىمسىز ەرەكەتتەرٸ تۋرالى بارلىق حابارلامالار مەن ٶتٸنٸشتەر مۇقييات تەكسەرٸلەدٸ. قازٸرگٸ ۋاقىتتا ولاردىڭ ەرەكەتتەرٸنەن قانداي دا بٸر زاڭبۇزۋشىلىقتار انىقتالعان جوق. ازاماتتاردى شىنايى ەمەس مەلٸمەتتٸ تاراتپاۋعا جەنە تەك قانا رەسمي اقپاراتقا سەنۋگە شاقىرامىن», - دەدٸ ريزابەك وجاروۆ.
ەسكە سالا كەتسەك, 7 اقپان كٷنٸ جامبىل وبلىسى قورداي اۋدانىنداعى ماسانشى اۋىلىنىڭ تۇرعىندارى اراسىندا جاپپاي تٶبەلەس بولدى.
