قازاقستان رەسپۋبليكاسى باس پروكۋرورىنىڭ ورىنباسارى ب.ب. دەمباەۆ «پروكۋراتۋرا تۋرالى» زاڭنىڭ 31-بابى تەرتٸبٸندە قازاقستاندىقتارعا ٷندەۋ جولدادى, دەپ حابارلايدى "ۇلت اقپارات".
«بيىل 28 ماۋسىمدا پروكۋراتۋرا ورگاندارى بۇقارالىق اقپارات قۇرالدارى ارقىلى بەيبٸت ميتينگٸلەر مەن جينالىستار ٶتكٸزۋدٸڭ تەرتٸبٸ مەن شارتتارى تۋرالى زاڭعا تٷسٸنٸكتەمە بەردٸ. مەملەكەت مۇنداي جارييا ٸس-شارالاردى ٶتكٸزۋگە كونستيتۋتسييالىق قۇقىقتى ٸسكە اسىرۋدى «قازاقستان رەسپۋبليكاسىندا بەيبٸت جينالىستار, ميتينگٸلەر, شەرۋلەر, پيكەتتەر جەنە دەمونستراتسييالار ۇيىمداستىرۋ مەن ٶتكٸزۋ تەرتٸبٸ تۋرالى» زاڭ شەڭبەرٸندە قامتاماسىز ەتەدٸ» دەلٸنگەن ٷندەۋدە.
سونىمەن قاتار, وندا ەلەۋمەتتٸك جەلٸلەردە اتالعان زاڭ تالاپتارىن بۇزىپ, 2019 جىلعى 6 شٸلدەدە سانكتسييالانباعان ميتينگتەردٸ ۇيىمداستىرۋعا جەنە وعان قاتىسۋعا ارانداتۋشىلىق شاقىرۋلاردى تاراتۋ ەلٸ دە جالعاسىپ جاتقانى ايتىلعان.
«جٷرگٸزٸلٸپ جاتقان ٷگٸت - جەكەلەگەن ادامداردىڭ جاپپاي تەرتٸپسٸزدٸكتٸ ۇيىمداستىرۋعا جەنە ەلدەگٸ جاعدايدى تۇراقسىزداندىرۋعا باعىتتالعان كەزەكتٸ تالپىنىسى. كونستيتۋتسييا مەن ۇلتتىق زاڭناماعا سەيكەس مۇنداي ٸس-ەرەكەتتەرگە تىيىم سالىنادى جەنە جاۋاپكەرشٸلٸككە ەكەپ سوعادى. وسىعان بايلانىستى, قۇقىق قورعاۋ ورگاندارى اتالعان زاڭسىز ٸس-ەرەكەتتەردٸڭ جولىن كەسەتٸن بولادى. رۇقسات ەتٸلمەگەن جارييا اكتسييالاردى ۇيىمداستىرۋعا جەنە ٶتكٸزۋگە شاقىرۋ, نە ولارعا قاتىسۋ ەكٸمشٸلٸك قۇقىق بۇزۋشىلىق تۋرالى كودەكستٸڭ 488-بابى بويىنشا جاۋاپكەرشٸلٸك قاراستىرىلعان (سانكتسييالانباعان اكتسييانى ۇيىمداستىرۋ نە وعان قاتىسۋ)» دەلٸنگەن حابارلامادا.
ودان بٶلەك, بۇل ەرەكەتتەر ازاماتتاردىڭ, ۇيىمداردىڭ, قوعامنىڭ نەمەسە مەملەكەتتٸڭ قۇقىقتارى مەن زاڭدى مٷددەلەرٸنە ەلەۋلٸ زييان كەلتٸرسە, وندا قىلمىستىق كودەكستٸڭ 400-بابى بويىنشا جاۋاپكەرشٸلٸك تۋىندايتىنى (سانكتسييالانباعان اكتسييانى ۇيىمداستىرۋ نە وعان قاتىسۋ, ەگەر ولار ەلەۋلٸ زييان كەلتٸرسە) ايتىلعان.
وسىنىڭ بەرٸن ەسكەرە وتىرىپ, باس پروكۋراتۋرا ازاماتتاردى زاڭدى ساقتاۋعا, ارانداتۋشىلىققا بوي الدىرماۋعا جەنە زاڭسىز اكتسييالارعا قاتىسۋدان باس تارتۋعا شاقىرادى.
