قازاقستان مۇسىلماندارى دٸني باسقارماسىنىڭ تٶراعاسى, باس مٷفتي سەرٸكباي قاجى وراز ساياسي قۋعىن-سٷرگٸن قۇرباندارىنا ارنايى قۇران باعىشتاپ, دۇعا جاسادى, دەپ حابارلايدى "ۇلت اقپارات".
قادٸر تٷنٸ قارساڭىندا ەلورداداعى «نۇر استانا» مەشٸتٸندە جۇما ۋاعىزىن ايتقان باس مٷفتي «قۋعىن-سٷرگٸن قۇرباندارىن ەسكە الۋ» كٷنٸنە وراي, زۇلمات كٷندەردە باقيلىق بولعان بابالارىمىزعا اللادان كەڭشٸلٸك, راقىم تٸلەدٸ.
«كەلەر جىلى دا جاقسى اي, جاقسى كٷنگە تٶرت كٶزٸمٸز تٷگەل جەتۋدٸ نەسٸپ ەتسٸن! بٸرلٸگٸمٸز, تاتۋلىعىمىز, تۇراقتىلىعىمىز باياندى بولسىن! اللا تاعالا حالقىمىزعا بٸرلٸك بەرسٸن! قۇداي تاعالام بٸزدٸڭ حالقىمىزدىڭ ەر كەزەڭدە جٷرەر جولى, باعدارشامى, قوعامنىڭ رۋحاني تٸرەگٸ بولعان دٸنٸمٸزگە قۋات بەرسٸن.كەشەگٸ زۇلمات زاماندا, نەۋبەت كٷندەردە جازىقسىز كەتكەن, قۇربان بولعان بابالارىمىزدى اللا ٶزٸ راقىمىنا السىن! پايعامبارىمىزدىڭ شاپاعاتىندا بولسىن! قۇداي تاعالا ەندٸ بٸزدٸڭ ۇلتىمىزدىڭ, حالقىمىزدىڭ بولاشاعىن ونداي نەۋبەتتەن ساقتاسىن! جارىق كٷنٸمٸز باياندى بولسىن! ەل امان, جۇرتىمىز تىنىش بولسىن!», - دەپ, ەلٸمٸز بەن جەرٸمٸزگە دۇعا تٸلەدٸ.
