قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى تانىمال عالىم, شىعىستانۋشى ەبساتتار قاجى دەربٸسەلٸنٸڭ وتباسىنا كٶڭٸل ايتتى, دەپ حابارلايدى "ۇلت اقپارات".
«بٷگٸن تاڭەرتەڭ قازاقستان مۇسىلماندارى دٸني باسقارماسىن 10 جىلدان استام ۋاقىت باسقارعان, دٸن قايراتكەرٸ, اكادەميك, كٶرنەكتٸ عالىم ەبساتتار قاجى دەربٸسەلٸنٸڭ قايتىس بولعانى تۋرالى قارالى حابار جەتتٸ. مارقۇمنىڭ وتباسىنا, تۋعان-تۋىستارىنا, بارشا مۇسىلمان قاۋىمىنا تاعى دا كٶڭٸل ايتامىن. اللا الدىنان جارىلقاسىن. يمانى سالامات بولعاي. ەمين!», - دەدٸ باس مٷفتي ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
تانىمال عالىمنىڭ قايتىس بولعانىن بٷگٸن اقپارات جەنە قوعامدىق دامۋ مينيسترٸ ايدا بالاەۆا ەلەۋمەتتٸك جەلٸدەگٸ پاراقشاسىندا جازدى.
«بەلگٸلٸ دٸنتانۋشى, شىعىستانۋشى, يسلامتانۋشى عالىم ەبساتتار قاجى دەربٸسەلٸنٸڭ ٶمٸردەن وزۋىنا بايلانىستى مارقۇمنىڭ وتباسى مەن جاقىن-تۋعاندارىنىڭ قايعىلارىنا ورتاقتاسىپ كٶڭٸل ايتامىن. بۇل بٷكٸل قازاق رۋحانيياتىنا ورتاق اۋىر قايعى. ەبساتتار باعىسبايۇلى بٷكٸل سانالى عۇمىرىن يماندىلىققا ارناپ, اسىل دٸنٸمٸزدٸڭ تۋرا جولىن حالىققا دۇرىس جەتكٸزۋ ٸسٸنە ٶلشەۋسٸز ەڭبەك سٸڭٸردٸ. ەلٸمٸزدٸڭ باس مٷفتيٸ لاۋازىمىندا جٷرگەن ۋاقىتتا قاجى اعامىزبەن قىزمەت بارىسىندا جولىعىسىپ تۇردىق. قاي كەزدە دە ٶزٸنٸڭ كەڭ مٸنەزٸمەن, تەرەڭ بٸلٸمٸمەن, پاراساتتى بولمىسىمەن رۋحانييات بيٸگٸنەن كٶرٸنٸپ, ەلٸمٸزدەگٸ ۇلتارالىق كەلٸسٸم مەن دٸنارالىق تاتۋلىقتىڭ ٶركەن جايۋىنا ٶلشەۋسٸز ٷلەس قوسقان جان ەدٸ. ەبساتتار قاجى اعامىزدىڭ زييالى بولمىسى, ەلٸنە سٸڭٸرگەن ەڭبەگٸ, جازعان رۋحاني شىعارمالارى, جاماعاتتى يمان جولىنا شاقىرۋدا ايتقان اقىل سٶزدەرٸ – ەشقاشان توزباس رۋحاني قازىنا بولىپ حالقىنىڭ جادىندا مەڭگٸلٸك ساقتالادى. مارقۇمنىڭ جاتقان جەرi جارىق, توپىراعى تورقا بولىپ, نۇرى پەيٸشتە شالقىسىن» دەپ جازدى مينيستر Instagram پاراقشاسىندا.
قر تۇڭعىش پرەزيدەنتٸ نۇرسۇلتان نازارباەۆ تا ەبساتتار دەربٸسەلٸنٸڭ قايتىس بولۋىنا بايلانىستى مارقۇمنىڭ وتباسى مەن تۋعان-تۋىستارىنا كٶڭٸل ايتۋ جەدەلحاتىن جولدادى.
قازاقستاننىڭ تۇڭعىش پرەزيدەنتٸ ەبساتتار قاجى باعىسبايۇلى سانالى عۇمىرىن عىلىم جولىنا, دٸني اعارتۋ سالاسىنا ارناعان پاراساتى بيٸك, پايىمى جوعارى, اقجارقىن ازامات بولعانىن اتاپ ٶتتٸ. جەدەلحاتتا كٶرنەكتٸ دٸنتانۋشىنىڭ قازاقستان مۇسىلماندارى دٸني باسقارماسىنىڭ باسشىسى قىزمەتٸن اتقارعان كەزدە مٷفتييات جۇمىسىن جاڭا دەڭگەيگە كٶتەرۋگە, ەلٸمٸزدە دٸنارالىق تاتۋلىق پەن ۇلتارالىق كەلٸسٸمنٸڭ نىعايۋىنا زور ٷلەس قوسقانى ايتىلعان.
ەبساتتار باعىسبايۇلى 1947 جىلى 15 قىركٷيەكتە قازٸرگٸ تٷركٸستان وبلىسى تٷلكٸباس اۋدانىندا تۋعان. ول – رەسپۋبليكامىزداعى جاس ارابتانۋ عىلىمىنىڭ نەگٸزٸن سالۋشىلاردىڭ بٸرٸ. ارابيستيكا سالاسى بويىنشا ەلٸمٸزدٸڭ تۇڭعىش عىلىم دوكتورى, تۇڭعىش پروفەسسورى, تۇڭعىش اكادەميگٸ. قوجا احمەت ياساۋي كەسەنەسٸ مەن ونداعى قۇلىپتاستارداعى جازۋلاردى انا تٸلٸمٸزگە اۋدارىپ, زەرتتەدٸ. 2003 جەنە 2006 جىلدارى قىركٷيەكتە استانادا ەلەمدٸك جەنە دەستٷرلٸ ۇلتتىق دٸن ليدەرلەرٸنٸڭ سەزدەرٸن ٶتكٸزۋگە ٷلەس قوستى.
