قازاقستاندا تۇرىپ جاتقان بارلىق ۇلت ٶكٸلدەرٸنٸڭ قۇقىعى تەڭدەي. بۇل جايىندا قازاقستان حالقى اسسامبلەياسى تاعى بٸر مەرتە ەسكە سالدى, دەپ حابارلايدى قازاقپارات.
قر كونستيتۋتسيياسى كٷنٸنە ارنالعان «تەۋەلسٸزدٸكتٸڭ 30 جىلدىعى – بٸرلٸكتٸڭ, بەيبٸتشٸلٸك پەن كەلٸسٸمنٸڭ 30 جىلدىعى» تاقىرىبىندا ٶتكەن دٶڭگەلەك ٷستەل بارىسىندا قازاقستان حالقى اسسامبلەياسىنىڭ مٷشەلەرٸ مەملەكەتتٸك تٸلدٸ بٸلۋگە قاتىستى ٶتە كٸنەمشٸل سۇراقتى قوزعادى. ولار بۇل مەسەلە كٶپۇلتتى رەسپۋبليكا تۇرعىندارى اراسىنداعى الاۋىزدىق تۋدىرماۋى تيٸس دەگەن ورتاق پايىمعا كەلدٸ.
«ورىس حالقىنىڭ ٶكٸلٸ رەتٸندە ەكٸ حالىقتىڭ, قازاق پەن ورىستىڭ تاعدىرى تاريحي تۇرعىدا باياعىدان-اق ٶرٸلگەندٸگٸن ايتا الامىن. ونداعان جىلدار بويى بٸزدٸڭ تاعدىرىمىز, ٶمٸرٸمٸز, مەدەنيەتٸمٸز بٸر-بٸرٸمەن بٸرٸگٸپ كەتتٸ. سوندىقتان قازاقستاندا ورىستار ناشار تۇرادى نەمەسە ولار قىسىم كٶرٸپ جاتىر دەۋ – بۇل دەلەلدەنبەگەن, داۋرىقپا سٶز», - دەدٸ ناتاليا دەمەنتەۆا.
ايتا كەتەيٸك, ٸس-شاراعا مەجٸلٸس دەپۋتاتتارى, قازاقستان حالقى اسسامبلەياسى ساراپتامالىق كەڭەسٸنٸڭ مٷشەلەرٸ, زييالى قاۋىم مەن ەتنومەدەني بٸرلەستٸكتەردٸڭ ٶكٸلدەرٸ قاتىستى. ولار ازاماتتاردىڭ قۇقىقتارى مەن بوستاندىقتارى, اتا زاڭنىڭ نورمالارىمەن بەكٸتٸلگەن تەڭدٸك, بٸرلٸك, زاڭ ٷستەمدٸگٸ قاعيداتتارى تۋرالى مەسەلەلەردٸ قوزعادى. قازاقستاننىڭ تەۋەلسٸزدٸك جىلدارىنداعى ەلدەگٸ ەتنوسارالىق, قوعامدىق كەلٸسٸم مەن جالپىۇلتتىق بٸرلٸكتٸ قامتاماسىز ەتۋسالاسىنداعى ماڭىزدى جەتٸستٸكتەرٸ تالقىلاندى.
