بالا كەزٸمٸزدە "كٶشپەندٸلەر" مەن "الاساپىراندى" وقىپ ٶسكەن ۇرپاقپىز عوي, باتىرلار مەرتتٸگٸ بوس سٶز ەمەس دەپ سەندٸك. ورىس كلاسسيكتەرٸندەگٸ, تولستويدىڭ بولكونسكييلەرٸ وفيتسەرلٸك وجداننىڭ ساف ٷلگٸسٸ بوپ سٸڭدٸ. مومىشۇلىنىڭ پافوستى شىعارمالارى, ەكٸنشٸ جاھان سوعىسىنداعى سانسىز ەرلٸكتەر داستانى... بۇلار دا سارباز سەرتٸنٸڭ ٶمٸردە بار ەكەنٸن سانامىزعا قۇيدى.
الايدا, الايدا ورتا جولدا بۇ تٷسٸنٸككە سىزات تٷستٸ. ەۋەلٸ بەتكە ۇستار گەنەرالدارىمىز تەرٸسكەي كورەياعا ەسكەري ۇشاق ساتتى. سوسىن, توپىرلاپ جەمقورلىق داۋى شىقتى دا جاتتى... ۇرلادى, جەدٸ, قامالدى, قۇتىلدى. ٷيرەنٸپ كەتتٸك. وفيتسەر وجدانى دەگەن ۇعىم ادىرا قالدى. اياعى جاڭاٶزەندە قارۋسىز جۇرتقا وق اتقىزدى, جاۋاپكەرشٸلٸك كٶتەرۋگە بٸر گەنەرالدىڭ جٸگەرٸ جەتپەدٸ... جارايدى, بۇل - تاپتاۋرىن حيكايا. ايتپاعىم باسقا...
وفيتسەرلٸك وجدان ۇعىمى جەمقورلىق جايلاعان ەلدە جوققا اينالعانىمەن, تاريحتا دا, ەدٸل قوعام قۇرعان, ەسكەري دەستٷرٸ بەرٸك ەلدەردە دە ەلٸ بار ۇعىم. تٸرٸ تٷسٸنٸك.
"وفيتسەرلٸك وجدان" سيياقتى سپورتتىق مٸنەز دەگەن دە ۇعىم بار. ياعني, سپورتتىق مٸنەز - تاباندىلىق, بەسەكەگە قۇشتارلىق, جەڭٸسكە دە, جەڭٸلٸسكە دە دايار بولۋ, جٸگەردٸ جانىپ وتىرۋ, كوماندالاستى ساتپاۋ... وسى كٶپ شارتتىڭ ٸشٸنە "باپكەرگە وپاسىزدىق جاساماۋ" دەگەندٸ دە ەنگٸزۋگە بولادى. كەشەگٸ كٶرپە استىنا كامەرا تىعىپ, جاتتىعۋعا بارماي, باپكەرٸن اشۋلاندىرىپ, ناماز وقىعان بولىپ, ارانداتقان بالالاردا سپورتتىق مٸنەز بار ما? ولار بٸلۋٸمشە, سپورتتىق كوماندا مٷشەسٸ بولۋ ٷشٸن مەملەكەت ەسەبٸنەن وقىپ جاتقان جەتكٸنشەكتەر. ەندٸ باپكەرٸنە ساتقىندىق جاسادى, ٶزگە كوماندالاستارىن جەتەكشٸسٸز قالدىردى. باپكەرلٸك جوسپارلار, ەر جاس سپورتشىعا ارنالعان ٷمٸتتەر مەن جوبالار ادىرا قالدى.
ٶكٸنٸشتٸسٸ, بالالارىن وقۋدان شىعارىپ ەكەتكەن اتا-انالاردىڭ ۆيدەوجولداۋىن كٶرە المادىم? نە ٶكٸنگەن, نە ايىپتاعان... ەلدە ارسىزدىق پەن ساتقىندىق ۇمىتىلىپ كەتەدٸ دەپ ويلاي ما? ۇل ٶسٸرٸپ, ونى سپورتقا بەرۋ - ەڭ الدىمەن مٸنەز شىڭداۋ بولسا كەرەك-تٸ...
"وفيتسەرلٸك وجدان" الدامشى ۇعىمعا اينالدى, ەندٸگٸ كەزەك "سپورتتىق مٸنەزگە" دە جەتتٸ مە?..
قاسىم امانجولدىڭ فەيسبۋكتەگٸ جازباسىنان
