قر ۇلتتىق بانكٸنٸڭ باسشىسى دانييار اقىشەۆ الماتىدا ٶتٸپ جاتقان ونلاين-كونفەرەنتسييا بارىسىندا ەكٸنشٸ دەڭگەيلٸ بانكتەردٸڭ بانكوماتتارىندا نەگە ۇساق اقشا بولمايتىنىن تٷسٸندٸردٸ, دەپ حابارلايدى قازاقپارات.
ونلاين ساۋال قويۋشى بانكوماتتاردا ٷنەمٸ ۇساق اقشا بولمايتىنىنا شاعىم بٸلدٸردٸ. «بٸز بۇل مەسەلەمەن تانىسپىز. ۇلتتىق بانك ەكٸنشٸ دەڭگەيلٸ بانكتەردٸ اقشانىڭ بارلىق نومينالدارىمەن قامتاماسىز ەتەدٸ. بٸراق بانكتەرگە ٸرٸ اقشا سالعان تيٸمدٸ. سەبەبٸ, بۇل جيٸ اۋىستىرۋدى تالاپ ەتپەيدٸ. سوندا ولار ينكاسساتسيياعا كەتەتٸن شىعىندى ازايتۋعا تىرىسادى», - دەدٸ اقىشەۆ.
ونىڭ ايتۋىنشا, ۇلتتىق بانك بانكتەردٸ مەجبٷرلەي المايدى. «قاتاڭ تالاپ جوق. الايدا, ەگەر سٸزدە شاعىم بولسا ۇلتتىق بانككە ونلاين رەجٸمدە جٷگٸنە الاسىز»,- دەدٸ ول.
