بانگلادەشتٸڭ كوكس-بازار قالاسىندا بوسقىندار لاگەرٸندە بولعان ٸرٸ ٶرت سالدارىنان قونىس اۋدارىپ كەلگەن 45 مىڭ روحيندجالىق باسپاناسىز قالدى. تٸلسٸز جاۋ لاگەر اۋماعىنداعى ەڭ ٸرٸ كلينيكانى جويدى. بۇل تۋرالى بۇۇ جاڭالىقتارى ورتالىعى حابارلادى.
قازا بولعانداردىڭ ناقتى سانى ەزٸرگە بەلگٸسٸز. الدىن الا مەلٸمەت بويىنشا, ٶرت 15 ادامنىڭ ٶمٸرٸن قيدى, 400 ادامنىڭ جاعدايى تۋرالى ەلٸ بەلگٸسٸز. لاگەردٸڭ 560 تۇرعىنى جاراقات الدى.
كوكس-بازارعا زارداپ شەككەندەرگە كٶمەك كٶرسەتۋ ٷشٸن بٸرنەشە جەدەل جەرجەم كٶلٸگٸ جەنە موبيلدٸ كلينيكالار جٸبەرٸلدٸ. بوسقىندارمەن سونداي-اق پسيحولوگتار جۇمىس ٸستەۋدە.
گۋمانيتارلىق ۇيىمداردىڭ قىزمەتكەرلەرٸ باسپاناسىز قالعاندارعا كٶمەك كٶرسەتۋدە.
وسى ۋاقىتقا دەيٸن لاگەرگە 3 مىڭ جىلى كٶرپە, كٷن باتارەياسىمەن جۇمىس ٸستەيتٸن 14,5 مىڭ لامپا, 11,5 مىڭ موسكيتتٸ تور, سونداي-اق 1 مىڭ ليتر اۋىزسۋ جەتكٸزٸلدٸ.
جالىننىڭ شىعۋ سەبەبٸ ەلٸ بەلگٸسٸز, تەرگەۋ جالعاسۋدا.
كوكس-بازار قالاسىنداعى لاگەر - بوسقىنداردىڭ ەلەمدەگٸ ەڭ ٷلكەن قونىسى. وندا روحيندجا مۇسىلماندارىنىڭ 870 مىڭ ٶكٸلٸ پانا تاپتى. ولاردىڭ دەنٸ – 720 مىڭعا جۋىق ادام كٶرشٸ ميانمە ەلٸندەگٸ زورلىق-زومبىلىقتان قاشىپ, لاگەرگە 2017 جىلى كەلدٸ.
