سەنات تٶراعاسى داريعا نازارباەۆا بالىق شارۋاشىلىعى سالاسىنىڭ ٶكٸلدەرٸمەن جۇمىس بابىندا كەزدەستٸ, دەپ حابارلايدى "ۇلت اقپارات" سەناتتىڭ باسپاسٶز قىزمەتٸنە سٸلتەمە جاساپ.
قازاقستان رەسپۋبليكاسى پارلامەنتٸ سەناتىنىڭ تٶراعاسى داريعا نازارباەۆا پارلامەنتتٸك تىڭداۋعا دايىندىق اياسىندا بالىق شارۋاشىلىعى سالاسىنىڭ ٶكٸلدەرٸمەن جۇمىس بابىندا كەزدەسۋ ٶتكٸزدٸ.
كەزدەسۋدە «قازاق بالىق شارۋاشىلىعى» زتب اتقارۋشى ديرەكتورىنىڭ مٸندەتٸن اتقارۋشى سەرٸك تەمٸرحانوۆ بالىق ٶسٸرۋمەن اينالىساتىن كەسٸپكەرلەر مەن فەرمەرلەردٸڭ نەگٸزگٸ مەسەلەلەرٸنە نازار اۋداردى. ولاردىڭ قاتارىندا بالىق ٶنٸمدەرٸ اينالىمىنىڭ ەسەپكە الىنباعان كٶلەمٸنٸڭ اۋقىمى, شيكٸزات تاپشىلىعى, سۋدا ٶسٸرۋدٸ دامىتۋ دەڭگەيٸنٸڭ تٶمەندٸگٸ, ەكسپورت اياسىنىڭ تارلىعى, عىلىمي-زەرتتەۋ ينستيتۋتتارىنىڭ سالاداعى ٶزەكتٸ مەسەلەلەردەن الشاقتىقتىعى بار.
س.تەمٸرحانوۆ اۋىل شارۋاشىلىعى مينيسترلٸگٸ تاراپىنان سالانى ەكٸمشٸلەندٸرۋدٸڭ جەتٸسپەۋشٸلٸگٸنە نازار اۋداردى, ونىڭ ايتۋىنشا, «ەلٸمٸزدٸڭ اۋىل شارۋاشىلىعى يندۋستريياسىنداعى بالىق شارۋاشىلىعىنىڭ رٶلٸ تۋرالى تٷسٸنٸك ەلسٸز بولىپ وتىر».
سالا ٶكٸلدەرٸنٸڭ باعالاۋىنشا, بالىق ٶنٸمدەرٸ اينالىمىنىڭ 70 پايىزى زاڭدى بازاردان سىرت قالىپ, «كٶلەڭكەلٸ سەكتوردان» ورىن العان. س.تەمٸرحانوۆ بالىق پەن بالىق ٶنٸمدەرٸن شارۋاشىلىقتاردان دٷكەن سٶرەلەرٸنە دەيٸن قاداعالاۋ جٷيەسٸن ەنگٸزۋ جاعدايدى جاقسارتا الار ەدٸ دەپ ەسەپتەيدٸ.
سەنات تٶراعاسى د.نازارباەۆا جۇمىس كەزدەسۋلەرٸنٸڭ قورىتىندىسى بويىنشا اگرارلىق مەسەلەلەر, تابيعاتتى پايدالانۋ جەنە اۋىلدىق اۋماقتاردى دامىتۋ كوميتەتٸنە اۋىل شارۋاشىلىعى ٶنٸمدەرٸن ٶندٸرۋشٸلەردٸڭ ٶكٸلدەرٸ كٶتەرگەن ٶزەكتٸ مەسەلەلەردٸ زەردەلەۋدٸ جەنە ولاردى 2020 جىلعا جوسپارلانعان پارلامەنتتٸك تىڭداۋدا تالقىلاۋعا دايىنداۋدى تاپسىردى.
