بالقاش قالاسى ٷشٸن مەتاللۋرگ كٷنٸ – باستى كەسٸبي مەرەكەلەردٸڭ بٸرٸ. بٷگٸندە سالادا قالانىڭ التى مىڭنان استام تۇرعىنى ەڭبەك ەتەدٸ. ولاردىڭ كٶپشٸلٸگٸ اتادان بالاعا جالعاسقان ەڭبەك ەۋلەتتەرٸنٸڭ ٸزباسارلارى. 2026 جىلدىڭ العاشقى جارتىجىلدىعىنىڭ قورىتىندىسى بويىنشا بالقاش مىس بالقىتۋ زاۋىتىندا 96 مىڭ توننادان استام كاتودتى مىس ٶندٸرٸلدٸ.
كەسٸبي مەرەكەگە وراي قالادا سالا ەڭبەككەرلەرٸن سالتاناتتى ماراپاتتاۋ رەسٸمٸ ٶتتٸ. ٷزدٸك مەتاللۋرگتەرگە ۆەدومستۆولىق جەنە مەملەكەتتٸك ناگرادالار تابىستالدى.
– قازاقستان پرەزيدەنتٸ قاسىم-جومارت توقاەۆ: «ەڭبەك ادامى قوعامدا ەرەكشە قۇرمەتكە يە بولۋى تيٸس», – دەپ بٸرنەشە رەت اتاپ ٶتكەن بولاتىن. بۇل سٶزدٸڭ سٸزدەرگە تٸكەلەي قاتىسى بار. سٸزدەردٸڭ قاجىرلى ەڭبەكتەرٸڭٸزدٸڭ ارقاسىندا قاراعاندى وبلىسىنداعى مەتاللۋرگييا سالاسى قازاقستان ەكونوميكاسىنىڭ نەگٸزگٸ تٸرەگٸنٸڭ بٸرٸ بولىپ قالا بەرەدٸ. ٶتكەن جىلى ٶڭٸردەگٸ ٶنەركەسٸپ ٶندٸرٸسٸنٸڭ كٶلەمٸ 5,3 ترلن تەڭگەدەن استى, ونىڭ شامامەن 3,8 ترلن تەڭگەسٸ ٶڭدەۋ ٶنەركەسٸبٸنٸڭ ٷلەسٸنە تيەسٸلٸ, – دەدٸ قاراعاندى وبلىسىنىڭ ەكٸمٸ ەرماعانبەت بٶلەكپاەۆ سالا ماماندارىن كەسٸبي مەرەكەسٸمەن قۇتتىقتاۋ سٶزٸندە. – بٷگٸندە سالا كەسٸپورىندارى بولاشاققا سەنٸممەن قادام باسىپ كەلەدٸ. زاماناۋي تەحنولوگييالار ەنگٸزٸلٸپ, ەكولوگييالىق ستاندارت كٷشەيتٸلۋدە, جاڭا ٶندٸرٸستٸك جوبالار جٷزەگە اسىرىلۋدا. دەگەنمەن سالانىڭ ەڭ باستى قۇندىلىعى – ادام بولىپ قالا بەرەدٸ. سٸزدەردٸڭ بٸلٸمٸڭٸز, كەسٸبي شەبەرلٸكتەرٸڭٸز بەن جاۋاپكەرشٸلٸكتەرٸڭٸز مەتاللۋرگييا سالاسىنىڭ تۇراقتى دامۋىنا سەرپٸن بەرۋدە.
ٶڭٸر باسشىسى مەتاللۋرگييا سالاسىنىڭ دامۋىنا ەڭبەك ەۋلەتتەرٸنٸڭ قوسىپ وتىرعان ٷلەسٸن ەرەكشە اتاپ ٶتتٸ. سونىڭ ٸشٸندە بٸرنەشە بۋىنى وسى سالادا تابىستى ەڭبەك ەتٸپ كەلە جاتقان, ٶكٸلدەرٸنٸڭ جيىنتىق ەڭبەك ٶتٸلٸ جٷز جىلدان اسقان اقبەرگەنوۆتەر ەۋلەتٸن ٷلگٸ رەتٸندە كەلتٸردٸ.
سالتاناتتى شارا بارىسىندا ەرماعانبەت بٶلەكپاەۆ ٷزدٸك جۇمىسكەرلەرگە «ەڭبەك داڭقى», «قۇرمەتتٸ مەتاللۋرگ» تٶسبەلگٸلەرٸ مەن «ەڭبەك ارداگەرٸ» مەدالدارىن تابىستادى.
«قازاقمىس كورپوراتسيياسى» جشس باسقارما تٶراعاسى رۋسلان ٶسكەنەلٸ مەتاللۋرگتەر ەڭبەگٸنٸڭ ماڭىزى مەن بالقاش ٶندٸرٸستٸك الاڭىنىڭ كەلەشەگٸ تۋرالى سٶز قوزعادى. ول كومپانييا قابىلدايتىن ەربٸر شەشٸمنٸڭ نەگٸزٸندە ادام, ونىڭ دەنساۋلىعى مەن قاۋٸپسٸزدٸگٸ باستى ورىندا تۇراتىنىن اتاپ ٶتتٸ.
– 2026 جىلدىڭ بٸرٸنشٸ جارتىسىندا بالقاش مىس بالقىتۋ زاۋىتى 96 مىڭ توننادان استام كاتودتى مىس شىعاردى. بۇل كٶرسەتكٸش – سٸزدەردٸڭ كٷندەلٸكتٸ تىنىمسىز ەڭبەكتەرٸڭٸز بەن كەسٸبي شەبەرلٸكتەرٸڭٸزدٸڭ ناقتى نەتيجەسٸ. بٸز ٶندٸرٸستٸك ينفراقۇرىلىمدى كەزەڭ-كەزەڭٸمەن جاڭارتۋ, جابدىقتى جاڭعىرتۋ, ەڭبەككەرلەردٸڭ تۇرمىستىق جاعدايىن جاقسارتۋ, سونداي-اق مەديتسينالىق جەنە ەلەۋمەتتٸك باعدارلامالاردى دامىتۋ باعىتىنداعى جۇمىستى جٷيەلٸ تٷردە جالعاستىرىپ كەلەمٸز. بيىل بالقاش مىس بالقىتۋ زاۋىتىندا اۋقىمدى كٷردەلٸ جٶندەۋ باعدارلاماسى ٸسكە اسىرىلىپ جاتىر. پۆ-1 جەنە پۆ-2 بالقىتۋ اگرەگاتتارىنا كٷردەلٸ جٶندەۋ جۇمىسى جٷرگٸزٸلۋدە. عيماراتتاردىڭ شاتىر جابىنى جاڭارتىلىپ, نٶسەر كەرٸزٸ جٷيەسٸ اۋىستىرىلۋدا. سونىمەن قاتار كەسٸپورىننىڭ تەحنيكالىق جاراقتاندىرىلۋى كٷشەيتٸلٸپ, اۋا باپتاۋ جٷيەلەرٸ ورناتىلۋدا. جىل سوڭىنا دەيٸن بالقاش ٶندٸرٸستٸك الاڭىنا جالپى قۇنى 166 ملن تەڭگەدەن اساتىن ەكٸ زاماناۋي جەدەل مەديتسينالىق جەردەم كٶلٸگٸ ساتىپ الىنادى. ودان بٶلەك «گيگيەنا» كورپوراتيۆتٸك باعدارلاماسى اياسىندا 2026 جىلى ەلەۋمەتتٸك-تۇرمىستىق ماقساتتاعى 24 نىساندى جاڭعىرتۋ جوسپارلانىپ وتىر. بۇل جۇمىسقا 754 ملن تەڭگە باعىتتالدى, – دەدٸ رۋسلان ٶسكەنەلٸ.
ٶندٸرٸستٸڭ تۇراقتى دامۋى كومپانييانىڭ ٶزٸنە قاتىسى بار ٶڭٸرلەردەگٸ ٶمٸر سٷرۋ ساپاسىن جاقسارتۋمەن قاتار جٷرەدٸ. بۇل تۋرالى «قازاقمىس كورپوراتسيياسى» جشس باقىلاۋ كەڭەسٸنٸڭ تٶراعاسى نۇرمۇحامبەت ەبدٸبەكوۆ ٶز سٶزٸندە توقتالدى.
ول كومپانييانىڭ ينۆەستيتسييانى تەك كەسٸپورىنداردى جاڭعىرتۋعا عانا ەمەس, سونىمەن قاتار قالالىق ينفراقۇرىلىمدى, بٸلٸم بەرۋ, دەنساۋلىق ساقتاۋ, مەدەنيەت جەنە سپورت سالالارىن دامىتۋعا دا باعىتتاپ وتىرعانىن اتاپ ٶتتٸ.
