فوتو:Massaget.kz
"اقكەنت" شاعىن اۋدانىندا بولعان ٶرت كەزٸندە بالكوننان سەكٸرگەن ەيەلدٸ قۇتقارۋعا بولار ەدٸ. بۇل تۋرالى الماتى قالالىق تٶتەنشە جاعدايلار دەپاراتمەنتٸ باستىعىنىڭ مٸندەتٸن ورىنداۋشى ەرلان ەلٸبەكوۆ مەلٸمدەدٸ, دەپ حابارلايدى Sputnik قازاقستان.
ونىڭ ايتۋىنشا, ٶرت كەزٸندە ادامدار قاتتى ٷرەيلەنٸپ, ارتى دٷربەلەڭگە ۇلاسقان. تۇرعىندار بالالارىن بالكوننان لاقتىرىپ جٸبەرگەن, ارتىنان ٶزدەرٸ دە سەكٸرٸپ كەتكەن. الايدا ٷيدٸڭ سىرتىندا قاتتى تٷتٸن بايقالماعان. بالكوندا بارلىق تەسٸكتٸ بٸتەپ, وتىرۋعا بولار ەدٸ. ول جەردە تازا اۋا دا بار. قازا بولعان ەيەلدٸ دە قۇتقارۋعا مٷمكٸندٸك بولعان.
"ول ۋاقىتتا بٸزدٸڭ قۇتقارۋشىلارىمىز جاقىنداپ قالعان. ولار 20 سەكۋند كٷتە تۇرعاندا الىپ شىعاتىن ەدٸك. ٶرت سٶندٸرۋشٸلەر ەسٸكتٸ بۇزىپ كٸرگەندە اناسى بولعان. وعان قۇتقارۋ قالپاعىن كيگٸزٸپ, الىپ شىقتى. سول كەزدە ەكٸ قىز سەكٸرٸپ كەتتٸ. سەل كٷتە تۇرعاندا ولاردى دا قۇتقاراتىن ەدٸ", - دەدٸ ەلٸبەكوۆ ارنايى بريفينگتە.
تٶتەنشە جاعداي كەزٸندە بالكوننان سەكٸرگەن بٸر ەيەل اۋىر جاراقات الىپ, قايتىس بولدى. ال ونىڭ ەپكەسٸ اۋرۋحاناعا تٷستٸ. سول كەزدە ٷيدە اناسى دا بولعان. ول سىرتتا قۇتقارۋشىلار بار دەپ ويلادى.
"ٶرتتٸڭ ٸشٸندە اناسى دا بولدى. اناسىمەن كەشە سٶيلەستٸك. ٷلكەن كٸسٸ ەكەن. "مەن ٶزٸم قىزدارىما جاسىم ٷلكەن, سەكٸرە المايمىن دەدٸم, استىندا قۇتقارۋشىلار بار, سەندەر بالكوننان سەكٸرٸڭدەر" دەپ ايتقان ەكەن. سودان كٸشكەنتاي بالا بار, ەكٸ قىزى سەكٸرگەننەن كەيٸن بٸزدٸڭ قۇتقارۋشىلار ەسٸكتٸ بۇزىپ كٸرگەن", - دەدٸ الماتى قالالىق تٶتەنشە جاعدايلار دەپاراتمەنتٸ ٶرت سٶندٸرۋ جەنە اپاتتىق-قۇتقارۋ قىزمەتٸنٸڭ باستىعى ايدار سقاباەۆ بٷگٸنگٸ بريفينگتە.
"اشىعىن ايتۋ كەرەك, سول جەردە ٶرت سٶندٸرۋ جەتەكشٸسٸنە كٶپ ادام كەدەرگٸ جاسادى. بٸرٸنشٸ اۆتوتسيستەرنا كەلگەندە ادامدار جٷگٸرٸپ كەلٸپ, مەنٸڭ بالامدى قۇتقار, مەنٸڭ ٷيٸمدٸ قۇتقار دەپ, بەرٸ جان-جاقتان جۇلمالاعان. بالكوننان دا ايقايلاپ تۇرعان ادام كٶپ بولدى. سوعان قاراماستان, ٶرت سٶندٸرۋ جەتەكشٸسٸ ٶز ادامدارىن باسپالداقپەن ٷيگە كٸرگٸزگەن, ارى قاراي ولار ەربٸر ٷيدٸڭ ەسٸگٸن بۇزىپ, ادام قۇتقارعان", - دەپ اتاپ كٶرسەتتٸ سقاباەۆ.
ونىڭ ايتۋىنشا, قۇتقارۋشىلار ەجەگە قۇتقارۋ قالپاعىن كيگٸزٸپ, باسپالداقپەن الىپ شىققان.
