جەر جەنناتى جەتٸسۋ جەرٸندەگٸ ەكوتۋريزمدٸ دامىتۋدا الاكٶل مەن بالقاشتىڭ ەلەۋەتٸ زور. تۋريزم – تابىس كٸلتٸ, دەسەك دامىعان مەملەكەتتەر بۇل مەسەلەنٸ باياعىدا جولعا قويعان. ۋاقىتپەن بٸرگە بٸزدٸڭ ەلٸمٸز دە بۇل سالاعا كٶڭٸل بٶلۋدٸ بٸر جٷيەگە كەلتٸرۋدە. ەل تۇرعىندارى ٷشٸن ٸشكٸ تۋريزمدٸ جەتٸلدٸرۋ ٷلكەن ماڭىزعا يە. بۇل تاراپتا الاكٶلدٸڭ شىعىس جاعىنىڭ جاعدايى دۇرىستالىپ, جانعا جايلى ورىنداردىڭ كٶپتەپ بوي تٷزەپ, حالىق يگٸلٸگٸنە جاراپ تۇرعانى كٶڭٸل قۋانتسا, بالقاش كٶلٸندەگٸ جاعداي كەرٸسٸنشە. بالقاش كٶلٸندە جارىق تا, اۋىز سۋ دا, جول دا جوق.
«ٶز ەلٸمٸزدەگٸ بالقاش كٶلٸنە ەلەمدەگٸدەي كٶكپەن تالاسقان بيٸك عيماراتتار سالماسا دا, ەڭ قۇرماعاندا كٶل جاعالاۋلارىنا زاماناۋي ٷلگٸدەگٸ دەمالىس ورىندارىن سالىپ, حالىقتىڭ دەمالۋى ٷشٸن بار جاعدايلار جاسالسا», دەيدٸ بالقاش كٶلٸندە دەمالۋشى الماتىلىق گٷلميرا اسىلبەكقىزى.
بالقاش كٶلٸ ماڭىنداعى ەڭ جاقسى دەگەن «بۋنگالا» دەمالىس ورنىنىڭ يەسٸ بۋنكو تاتيانانىڭ ايتۋىنشا, كٶلگە جول 5 جىلدان بەرٸ سالىنىپ كەلەدٸ.
«تۋربازانىڭ اشىلعانىنا 7 جىل بولدى. جىل سايىن تۋريستەر سانى ارتىپ كەلە جاتىر. بيىل گەرمانييا, قىتاي ەلدەرٸنەن ساياحاتشىلار كەلدٸ. كٶبٸنە بٸزگە رەسەيدەن كەلەدٸ. كەلۋشٸلەر مەن ساياحاتشىلاردىڭ شاعىمى تەك بٸرەۋ – ول جول ماشاقاتى. بٸرٸنٸڭ دٶڭگەلەگٸ جارىلسا, بٸرٸنٸڭ كٶلٸگٸ جٷرۋگە تٸپتٸ جاراماي, ەۆاكۋاتورمەن الىپ كەتۋدە. جولدىڭ جاسالىپ جاتقانىنا 5 جىلدان استى. ەكٸ جىل بولعان دۇرىستاۋ جولدىڭ ٶزٸن جوق قىلدى. جولدىڭ جاسالىپ بٸتپەۋٸ بٸزدٸڭ بيزنەسكە كەرٸ ەسەرٸن تيگٸزۋدە. بٸز ٶز تاراپتارىمىزدان دەمالۋشىلار ٷشٸن مٷمكٸندٸگٸنشە بار جاعداي مەن سەرۆيستٸ جاقسارتۋعا تىرىسۋدامىز. جارىقتى گەنەراتور ارقىلى بەرۋدەمٸز. ال, اۋىز سۋدى ٶزٸمٸز الىپ كەلەمٸز. بالقاش كٶلٸندە تۋريزمدٸ دامىتۋ ٷشٸن الدىمەن سۋ, ەلەكتر جٷيەسٸن تارتىپ, جول سالۋ قاجەت. بۇل مەنٸڭ عانا ەمەس, وسىنداعى دەمالىس ورىندارى يەلەرٸنٸڭ جان-ايقايى دەپ بٸلسەڭٸزدەر», دەيدٸ «بۋنگالا» دەمالىس ورنىنىڭ يەسٸ تاتيانا بۋنكو.
«Respublica» پارتيياسىنىڭ جەتٸسۋ وبلىستىق فيليالى مەن «Vizit Zhetysu» تۋريستٸك ورتالىعىنىڭ ۇيىمداستىرۋىمەن ٶتكەن ٷشكٷندٸك پرەسس-تۋر اياسىندا باق ٶكٸلدەرٸ سونىمەن قاتار جەتٸسۋ ٶڭٸرٸندەگٸ ەكوتۋريزمنٸڭ جاي-كٷيٸمەن, پروبلەمالارىمەن جەنە دامۋ كەلەشەگٸمەن تانىستى.
