قىزىلوردا وبلىسى جاڭاقورعان اۋدانىندا بٸر ازاماتشا جەرگٸلٸكتٸ تۇرعىنعا بال اشىپ, جولىن جەڭٸلدەتٸپ بەرەتٸنٸن ايتىپ سان سوقتىرىپ كەتكەن. جەبٸرلەنۋشٸگە كەلتٸرٸلگەن شىعىن 8 ملن 853 مىڭ تەڭگەنٸ قۇرايدى, دەپ حابارلايدى قازاقپارات تٸلشٸسٸ.
قۇقىق قورعاۋ سالاسىنىڭ ماماندارى حالىقتىڭ بالگەر مەن تەۋٸپتەرگە الدانىپ قالاتىنىن ايتادى. قازٸر وبلىستا مۇنداي دەرەكتەر جيٸ ورىن الادى. سولاردىڭ بٸرٸ جاڭاقورعان اۋدانىندا بولعان وسى وقيعا. ٶزٸن بالگەر رەتٸندە كٶرسەتكەن ەيەل جەرگٸلٸكتٸ تۇرعىنعا «جولىڭدى جەڭٸلدەتٸپ بەرەمٸن, بايىپ كەتەسٸڭ», - دەگەن جەلەۋمەن بٸرنەشە مەرتە اقشا العان. اتالمىش الاياقتىق دەرەك سوتتا قارالىپ, كٷدٸكتٸنٸڭ كٸنەسٸ دەلەلدەندٸ. ونىڭ 5 جىلعا باس بوستاندىعى شەكتەلدٸ.
قازٸرگٸ تاڭدا قىزىلوردا وبلىسىندا الاياقتىق دەرەكتەرٸ الاڭداتىپ وتىر. ٷستٸمٸزدەگٸ جىلدىڭ 7 ايىندا قىزىلوردا وبلىسىندا 418 الاياقتىق قىلمىسى تٸركەلدٸ. ول ٶتكەن جىلدىڭ دەل وسى كەزەڭٸمەن سالىستىرعاندا 3,2 پايىزعا ازايعان. دەسە دە تەرتٸپ ساقشىلارىن ٶزگەنٸڭ مەنشٸگٸن الاياقتىق جولمەن يەلەنۋ ارقىلى ازاماتتاردىڭ قۇقىنا قول سۇعۋ دەرەكتەرٸ ورىن الىپ جاتقانىن ويلانتادى.
«بيىلعى 7 ايدا الاياقتىق جاساعانى ٷشٸن 162 تۇلعا ۇستالدى. ونىڭ ٸشٸندە 109-ى ەيەلدەر بولىپ وتىر. ونى اشۋدا بٸرقاتار قيىندىقتار كەزدەسەدٸ. اتاپ ايتقاندا, جەبٸرلەنۋشٸلەر كەش ارىزدانىپ جاتادى. بيىل وسىنداي 26 ازامات كەش ارىزدانعان. ولاردىڭ اراسىندا 2-3 جىلدان كەيٸن پوليتسيياعا ارىزدانىپ كەلگەندەرٸ بار. شىندىعىن ايتقاندا, كەيبٸر ازاماتتار قازٸر جەڭٸل پايدا تابۋ نەمەسە مەسەلەنٸ وڭاي شەشۋ جولدارىن ٸزدەيتٸندٸگٸ راس. سونداي-اق, ازاماتتاردىڭ قۇقىقتىق ساۋاتتىلىعى تٶمەن», - دەدٸ وبلىستىق ٸشكٸ ٸستەر دەپارتامەنتٸ باسپاسٶز قىزمەتٸنٸڭ باسشىسى گٷلجاحان قايىربەرگەنوۆا.
كٶپ جاعدايدا الاياقتار جەر, ٷي الىپ بەرەمٸن دەگەن ۋەدەسٸن بەرەدٸ. سونىمەن قاتار, جۇمىسقا تۇرعىزامىن دەيتٸندەر كەزدەسەدٸ. تەرتٸپ ساقشىلارى الاياقتارعا الدانباۋدىڭ جولىن ٸزدەپ ەربٸر ٸسكە ساقتىقپەن قاراۋدىڭ دۇرىس ەكەنٸن ەسكەرتەدٸ.
