جامبىل وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى قاراتاۋ قالاسىندا 8 جاسار قىزدى ٶلتٸرۋ ٸسٸ بويىنشا ٷكٸم شىعاردى, دەپ حابارلايدى "ۇلت اقپارات".
قىلمىستىق ٸس بويىنشا الدىن الا تىڭداۋ جامبىل وبلىستىق پروكۋراتۋرا باسقارماسىنىڭ پروكۋرورى, مەملەكەتتٸك ايىپتاۋشى عاني قۇرمانوۆتىڭ, سوتتالۋشى مەن جەبٸرلەنۋشٸ ادۆوكاتتارىنىڭ, سوتتالۋشى مەن جەبٸرلەنۋشٸنٸڭ زاڭدى ٶكٸلدەرٸنٸڭ قاتىسۋىمەن ٶتتٸ.
كٷدٸكتٸ ج. بايدٸلداەۆ قر ازاماتى, قاراتاۋ قالاسىنىڭ 37 جاستاعى تۇرعىنى, ەش جەردە جۇمىس ٸستەمەيتٸن, ٷيلەنگەن, بۇعان دەيٸن «ۇرلىق» بابى بويىنشا ٸستٸ بولعان. قىلمىستىق ٸستٸ سوتقا دەيٸنگٸ تەرگەپ-تەكسەرۋ نەتيجەلەرٸ جەتٸ تومدى قۇرادى. سوتتالۋشى جىنىستىق زورلىق-زومبىلىقتىڭ ەكٸ ەپيزودى بويىنشا ايىپتالدى: قر قك-نٸڭ 121-بابىنىڭ 4-بٶلٸگٸ جەنە 99-بابىنىڭ 2-بٶلٸگٸ (كەمەلەتكە تولماعانعا قاتىستى كٸسٸ ٶلتٸرۋ), سونداي-اق 24-بابىنىڭ 3-بٶلٸگٸ, 120-بابىنىڭ 4-بٶلٸگٸ (2013 جىلعى وقيعاعا قاتىستى) بويىنشا.
«بٷگٸن جامبىل وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا 8 جاسار ارۋاي بەرٸكتٸ ٶلتٸرۋ ٸسٸ بويىنشا ٷكٸم جارييالاندى. قىلمىسكەر ٶمٸر بويىنا باس بوستاندىعىنان ايىرۋ جازاسىنا كەسٸلدٸ. پروكۋراتۋرانىڭ سوتتالۋشىنى ٶمٸر بويىنا قاماۋ تۋرالى تالابى تولىق كٶلەمدە قاناعاتتاندىرىلدى. ٷكٸم زاڭدى كٷشٸنە ەنگەن جوق»,- دەپ حابارلادى جامبىل وبلىسى پروكۋراتۋراسىنىڭ باسپاسٶز قىزمەتٸنەن.
ەسكە سالا كەتەيٸك, اعىمداعى جىلدىڭ 24 سەۋٸرٸندە تالاس اۋدانى قاراتاۋ قالاسىنىڭ كەمەلەتتٸك جاسقا تولماعان تۇرعىنى جوعالىپ كەتكەن بولاتىن. كەلەسٸ كٷنٸ قالا سىرتىنان جوعالعان قىزدىڭ مەيٸتٸ تابىلىپ, پوليتسييا دەپارتامەنتٸ قىلمىستىق ٸستٸ «كەمەلەتكە تولماعاندى ٶلتٸرۋ» بابىنا اۋىستىردى. اسا اۋىر قىلمىستى اشۋعا ٸشكٸ ٸستەر مينيسترلٸگٸنٸڭ, جامبىل وبلىسى پوليتسييا دەپارتامەنتٸنٸڭ, پروكۋراتۋرا جەنە تاعى باسقا كٷش قۇرىلىمدارىنىڭ تەجٸريبەلٸ قىزمەتكەرلەرٸ جۇمىلدىرىلعان بولاتىن. بٸرنەشە كٷننەن كەيٸن قىلمىستى جاسادى دەگەن كٷدٸكپەن ج. بايدٸلداەۆ ۇستالدى.
