الماتى وبلىسى تالعار اۋدانى تۇزدىباستاۋ اۋىلى ەكٸمدٸگٸنٸڭ عيماراتىنا بارىپ, كٸر كيٸمدەرٸن جۋعان ەيەلدٸڭ ۆيدەوسى جەلٸدە قىزۋ تالقىعا تٷستٸ, دەپ حابارلايدى Ulysmedia.kz.
جەلٸدە تاراعان ۆيدەودان كٸشكەنتاي بٷلدٸرشٸندەرٸن ەرتكەن ەيەلدٸڭ ەكٸمدٸككە دوربا-دوربا كٸر كيٸمدەرٸن ارقالاپ ەكەلٸپ, عيماراتتىڭ بٸر بۇرىشىندا جۋىپ وتىرعانىن كٶرۋگە بولادى.
ەيەل وسى ٸس-ەرەكەتٸ ارقىلى تالعار اۋدانىنداعى سۋ تاپشىلىعى پروبلەماسىنا نازار اۋدارتۋدى كٶزدەگەن. ول تەك كٸر جۋىپ قانا قويماي, سمارتفونىنا نە بولىپ جاتقانىن تٷسٸرٸپ وتىر.
تالعار اۋدانىنداعى تاعى بٸر اۋىل – بەلبۇلاق تۇرعىندارى دا بەس كٷن بويى سۋسىز وتىرعاندارىن ايتىپ شاعىمداندى.
"بٷگٸن 25 شٸلدە, ساعات كٷندٸزگٸ 12, گوركيي كٶشەسٸ. سۋ ەلٸ جوق. كٷندٸز دە, تٷندە دە جوق. جۋىلماعان ىدىس ٷيٸلٸپ تۇر. بۇرىن تىم بولماعاندا تٷندە اعاتىن, بٶتەلكەلەرگە تولتىرىپ الاتىنبىز. قازٸر مٷلدەم توقتاپ قالدى. ەكٸمدٸككە سۇراعىم بار: مەنٸڭ ٷش بالام بار, كٸشكەنتايىم 1,5 جاستا, مەن مىنا ىستىق كٷندە ولاردى قاشانعى شومىلدىرماي وتىرامىن? قاشانعى ولاردىڭ بەت-اۋزىن دىمقىل شٷبەرەكپەن سٷرتەمٸن?" - دەيدٸ بەلبۇلاق اۋىلىنىڭ تۇرعىنى.
