قر باس مەملەكەتتٸك سانيتارلىق دەرٸگەر ايجان ەسماعامبەتوۆا بالالارعا ەكپە سالدىرۋ تۋرالى ٶز وتباسىنىڭ تەجٸريبەسٸمەن بٶلٸستٸ, دەپ حابارلايدى قازاقپارات,.
«مەنٸڭ ەكٸ بالام بار. ولار كەڭەستٸك كەزدە بەلگٸلەنگەن كٷنتٸزبە بويىنشا بارلىق ەكپەنٸ العان. ول كەزدە ۆاكتسينادان باس تارتۋ جٶنٸندە تٸپتٸ ويلامايتىنبىز. سول ەكپەلەر ٷشٸن العىس ايتامىن. سەبەبٸ تٷرلٸ جۇقپالى اۋرۋلار شىققاندا مەنٸڭ بالالارىم اۋىرعان جوق. قازٸر ەكٸ نەمەرەم بار. ٷلكەنٸ – ەكٸ جاستا, كٸشٸسٸ – بٸر جاستا. ناعىز مٸندەتتٸ 11 ەكپەنٸ الاتىن جاستا جەنە بارلىق ۆاكتسينانى الىپ كەلە جاتىر. مۇندا مەنٸ كەرەمەت ۆاكتسينالار سالعىزدى دەپ ويلاماڭىزدار. ەكەۋٸ دە تۇرعىلىقتى مەكەنجايى بويىنشا, تەگٸن مەديتسينالىق كٶمەكتٸڭ كەپٸلدەندٸرٸلگەن كٶلەمٸ اياسىندا بارلىق بالالار الىپ جاتقان ەكپەلەردٸ سالعىزدى», - دەدٸ باس سانيتارلىق دەرٸگەر Facebook-تە ٶتكەن ونلاين-بريفينگتە.
سپيكەردٸڭ ايتۋىنشا, ۆاكتسينا – بالالاردى ەپيدەمييادان, جۇقپالى بالالار اۋرۋىنان قورعاۋدىڭ جالعىز امالى.
«بٸز ۇمىتىپ كەتكەن اۋرۋلار كٶپ جەنە ولار قايتىپ كەلمەستەي كٶرٸنەدٸ. بٸراق, ۇجىمدىق يممۋنيتەتٸمٸز 90 پايىزدان تٷسٸپ كەتسە, بٸردەن ديفتەرييا, سٸرەسپە اۋرۋلارىنا قايتا ورالامىز. ونىڭ سالدارى اۋىر بولىپ, تٸپتٸ بالالار كٶز جۇمۋى دا مٷمكٸن. ال بالالاردى قورعاۋ مٷمكٸندٸگٸن مەملەكەت تەگٸن بەرٸپ وتىرعاندا, ونى پايدالانۋ كەرەك», - دەدٸ ا. ەسماعامبەتوۆا.
