بالالارعا قارسى قىلمىستاردىڭ الدىن الۋ جەنە جولىن كەسۋ ٸشكٸ ٸستەر مينيسترلٸگٸنٸڭ ەرەكشە باقىلاۋىندا. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز ايتتى, دەپ حابارلايدى قازاقپارات.
«ٸشكٸ ٸستەر مينيسترٸ ەرلان تۇرعىمباەۆ ۆەدومستۆونىڭ قۇرىلىمدىق جەنە اۋماقتىق بٶلٸمشەلەرٸنٸڭ باسشىلارىمەن بەينەكونفەرەنتسبايلانىس رەجيمٸندە جەدەل كەڭەس ٶتكٸزدٸ, وندا پرەزيدەنت قاسىم-جومارت توقاەۆتىڭ قازاقستان حالقىنا جولداۋىن ساپالى جەنە ۋاقتىلى ٸسكە اسىرۋ ٷشٸن بٸرقاتار مٸندەتتەردٸ بەلگٸلەدٸ. جولداۋدا ەلدەگٸ تۇراقتىلىقتى, ازاماتتاردىڭ تىنىشتىعى مەن قاۋٸپسٸزدٸگٸن, ولاردىڭ قۇقىقتارى مەن زاڭدى مٷددەلەرٸن قامتاماسىز ەتۋگە ەرەكشە نازار اۋدارىلعان بولاتىن. بالالارعا قارسى جىنىستىق قىلمىستاردىڭ الدىن الۋ جەنە جولىن كەسۋ مينيسترلٸكتٸڭ ەرەكشە باقىلاۋىندا. سوڭعى جىلدارى پەدوفيلدەردٸڭ پوليتسييانىڭ باقىلاۋىندا بولۋ شارتتارى ەدەۋٸر كٷشەيتٸلدٸ: ولار جازاسىن قاۋٸپسٸزدٸگٸ جوعارى تٷزەۋ مەكەمەلەرٸندە ٶتەپ جاتىر», - دەدٸ ن. وراز ونلاين اپتالىق بريفينگٸدە.
وسى ورايدا اتالعان قىلمىسكەرلەرگە قاتىستى تاراپتاردى تاتۋلاستىرۋعا, شارتتى تٷردە سوتتاۋعا, جازانى نەعۇرلىم جۇمساق تٷرگە اۋىستىرۋعا, سونداي-اق شارتتى تٷردە مەرزٸمٸنەن بۇرىن بوساتۋعا تىيىم سالىندى.
«قىزمەتتەر مەن بٶلٸمشەلەردٸڭ باسشىلارىنا مينيستر كەمەلەتكە تولماعاندار اراسىندا جىنىستىق قىلمىستارعا قارسى قىلمىستارعا قارسى ٸس-قيمىلدىڭ قوسىمشا شارالارىن بەلگٸلەدٸ. اتاپ ايتقاندا, بۇلار - ەكٸمشٸلٸك قاداعالاۋدى كٷشەيتۋ جەنە جازاسىن ٶتەگەن پەدوفيلدەرگە قاتىستى ەلەكتروندىق باقىلاۋ قۇرالدارىن قولدانۋ», - دەدٸ رەسمي ٶكٸل.
