Balalarǵa qarsy qylmystardyń aldyn alý jáne jolyn kesý Ishki ister ministrliginiń erekshe baqylaýynda. Bul týraly QR Ishki ister ministrliginiń resmi ókili Nurdildá Oraz aitty, dep habarlaidy QazAqparat.
«Ishki ister ministri Erlan Turǵymbaev vedomstvonyń qurylymdyq jáne aýmaqtyq bólimsheleriniń basshylarymen beinekonferentsbailanys rejiminde jedel keńes ótkizdi, onda Prezident Qasym-Jomart Toqaevtyń Qazaqstan halqyna Joldaýyn sapaly jáne ýaqtyly iske asyrý úshin birqatar mindetterdi belgiledi. Joldaýda eldegi turaqtylyqty, azamattardyń tynyshtyǵy men qaýipsizdigin, olardyń quqyqtary men zańdy múddelerin qamtamasyz etýge erekshe nazar aýdarylǵan bolatyn. Balalarǵa qarsy jynystyq qylmystardyń aldyn alý jáne jolyn kesý ministrliktiń erekshe baqylaýynda. Sońǵy jyldary pedofilderdiń politsiianyń baqylaýynda bolý sharttary edáýir kúsheitildi: olar jazasyn qaýipsizdigi joǵary túzeý mekemelerinde ótep jatyr», - dedi N. Oraz onlain aptalyq brifingide.
Osy oraida atalǵan qylmyskerlerge qatysty taraptardy tatýlastyrýǵa, shartty túrde sottaýǵa, jazany neǵurlym jumsaq túrge aýystyrýǵa, sondai-aq shartty túrde merziminen buryn bosatýǵa tyiym salyndy.
«Qyzmetter men bólimshelerdiń basshylaryna ministr kámeletke tolmaǵandar arasynda jynystyq qylmystarǵa qarsy qylmystarǵa qarsy is-qimyldyń qosymsha sharalaryn belgiledi. Atap aitqanda, bular - ákimshilik qadaǵalaýdy kúsheitý jáne jazasyn ótegen pedofilderge qatysty elektrondyq baqylaý quraldaryn qoldaný», - dedi resmi ókil.
