تانىمال ساياساتتانۋشى, ەۋروپالىق قۇقىق پەن ادام قۇقىعى ساراپتامالىق ينستيتۋتىنىڭ ديرەكتورى مارات باشيموۆ رەسپۋبليكا مەكتەپتەرٸندەگٸ قاۋٸپسٸزدٸكتٸ قامتاماسىز ەتۋگە قاتىستى پٸكٸرٸن بٸلدٸردٸ, دەپ حابارلايدى قازاقپارات.
ساراپشى پرەزيدەنت قاسىم-جومارت توقاەۆ بۇل مەسەلەنٸ بٸرنەشە رەت كٶتەرگەنٸن اتاپ ٶتتٸ.
«بٷگٸن ٷكٸمەت وتىرىسىندا بٸلٸم مينيسترٸ بالالاردىڭ قاۋٸپسٸزدٸگٸنە قاتىستى قولعا الىنعان نەگٸزگٸ جۇمىستاردى اتادى. بۇل مەسەلەنٸ مەملەكەت باسشىسى دا بٸرنەشە رەت كٶتەردٸ. شەشٸمدەرگە سەيكەس, بالالاردى قورعاۋعا بارلىق سالا اتسالىسۋى تيٸس. بۇل جەردە مينيستر بالالاردىڭ قۇقىقتارىن فيزيكالىق تۇرعىدان قورعاۋ تۋرالى ايتتى. قازان قالاسىنداعى تراگەدييا قايتالانباۋى كەرەك. فيزيكالىق نەمەسە پسيحولوگييالىق قورعانىس ول ماڭىزدى ەمەس, ەڭ باستىسى قاۋٸپٸڭ الدىن الۋ شارت. بٷگٸندە بارلىق قازاقستاندىق مەكتەپتەر بالالاردىڭ قاۋٸپسٸزدٸگٸن قامتاماسىز ەتۋگە دايىن ەمەس ەكەنٸن مويىنداۋ كەرەك. ەلٸ كٷنگە دەيٸن قىلمىس كٶپ تٸركەلەتٸن ٶڭٸرلەر بار. تەحنيكالىق مەسەلەلەر شەشٸلمەگەن. سوندىقتان مىنا الاساپىران زاماندا بالالاردىڭ قاۋٸپسٸزدٸگٸن باقىلاۋ ٶتە قاجەت», - دەدٸ مارات باشيموۆ.
ونىڭ پٸكٸرٸنشە, بالالاردىڭ قۇقىقتىق ساۋاتتىلىعىن ارتتىرۋ جۇمىستارىن ۇيىمداستىرۋ ماڭىزدى.
«اقپاراتتىق عاسىردا كەمەلەتكە تولماعانداردى جەكە تۇلعا ەتٸپ قالىپتاستىرۋدا اتا-انادان باسقا قوعام مەن مەملەكەت بەلگٸلٸ بٸر رٶل اتقارادى. سەبەبٸ بالالار ولاردى كٶبٸرەك تىڭدايدى جەنە قابىلدايدى. قالاي ٸستەۋ كەرەك, قايدا بارۋ قاجەت, كٸمگە جٷگٸنگەن دۇرىس سول سيياقتى. بٸز بٸلٸم بەرۋ جٷيەسٸندە قاۋٸپسٸزدٸكتٸ قامتاماسىز ەتۋ ٷشٸن بار كٷش-جٸگەرٸمٸزدٸ سالۋىمىز كەرەك دەپ سانايمىن. بۇل بارلىق جەرگە بەينەكامەرالاردى قويۋمەن عانا شەكتەلمەۋٸ تيٸس. سونىمەن قاتار, بٸزدٸڭ بالالار تەربيەسٸنە بارىنشا دەن قويۋىمىز ماڭىزدى. بۇل مەكتەپكە دەيٸنگٸ, ورتا جەنە جوعارى بٸلٸم الۋدىڭ بارلىق كەزەڭٸن قامتيدى.
مارات باشيموۆ ۇلتتىق قوعامدىق سەنٸم كەڭەسٸنٸڭ الاڭىندا پرەزيدەنت ادام قۇقىعىن قورعاۋ سالاسىندا بٸرٸنشٸ كەزەكتە تۇرعان حالىقارالىق ستاندارتتاردى ەنگٸزۋ تۋرالى ٷنەمٸ ايتاتىنىن تٸلگە تيەك ەتتٸ. وندا بالالاردى قورعاۋ بٸرٸنشٸ ورىنعا شىعادى.
«بٸزدە جاقىن ارادا جٷزەگە اسىرىلاتىن كەشەندٸ جوسپار بار. وندا بالالاردى قورعاۋ بٸرٸنشٸ كەزەكتە تۇر. سەبەبٸ بٸز بۇۇ-نىڭ التى نەگٸزگٸ كونۆەنتسييالارىنىڭ ٸشٸنەن بالالار قۇقىعى تۋرالى كونۆەنتسيياعا قول قويدىق. سونىمەن قاتار, مەملەكەت باسشىسىنىڭ ادام قۇقىعى كٶرسەتكٸشتەرٸن تەڭەستٸرۋ تۋرالى تالابى ماڭىزدى. كٶرسەتكٸشتەردٸڭ بٸرٸنشٸسٸ - كەمەلەتكە تولماعانداردىڭ قاۋٸپسٸزدٸ», - دەپ اتاپ ٶتتٸ سپيكەر.
ەسكە سالايىق, بٷگٸن ٷكٸمەت وتىرىسىندا قر پرەمەر-مينيسترٸ اسقار مامين 10 شٸلدەگە دەيٸن «بٸلٸم بەرۋ ۇيىمدارىندا بالالاردىڭ قاۋٸپسٸزدٸگٸن قامتاماسىز ەتۋ جٶنٸندەگٸ جول كارتاسىن» بەكٸتۋدٸ تاپسىردى.
