«ٷندٸ» شتامىنىڭ تەز تارالۋى بويىنشا الماتى «قىزىل» ايماقتا تۇر.
س. اسفەنديياروۆ اتىنداعى قازۇمۋ جۇقپالى جەنە تروپيكالىق اۋرۋلار كافەدراسىنىڭ پروفەسسورى, مەديتسينا عىلىمدارىنىڭ دوكتورى كٷلەش قۇرمانوۆا ەپيدەميولوگييالىق جاعداي تۋرالى ايتىپ, ينفەكتسييادان قالاي ساقتانۋ كەرەكتٸگٸن تٷسٸندٸردٸ, دەپ حابارلايدى قازاقپارات.
ونىڭ ايتۋىنشا, قالاداعى ەپيدەمييالىق جاعداي كٷردەلٸ. ٶيتكەنٸ جاڭا «دەلتا» شتامىنىڭ كونتاگيوزدىعى جوعارى ەرٸ انىقتالعان شتامدارعا قاراعاندا 60%-عا جۇقپالى. ەگەر SARS-CoV2 اينالمالى شتامىن بٸر جۇقتىرعان ادام ونى اينالاسىنداعى 3-4 ادامعا جۇقتىرسا, «دەلتا» شتامىن 5-6 ادام جۇقتىرادى. شتامنىڭ ينكۋباتسييالىق كەزەڭٸ قىسقا, 7 كٷنگە دەيٸن. سونداي-اق اۋرۋ جۇقتىرعان ادامنىڭ بۋىندارى مەن ٸشٸ قاتتى اۋىرادى, جٷرەگٸ اينىپ, قۇسقىسى كەلەدٸ. اۋرۋ اياقتىڭ تٶمەنگٸ بٶلٸگٸنٸڭ ميكروترومبوزىنا ەكەلۋٸ مٷمكٸن.
«سوڭعى زەرتتەۋلەر كٶرسەتكەندەي, «ٷندٸ» كوروناۆيرۋسىنىڭ قاۋٸپتٸلٸگٸ سول, اۋرۋحاناعا جاتۋ مەن ٶلٸم قاۋپٸ جوعارى. كوروناۆيرۋس ينفەكتسيياسىنان كەيٸن دەرتتٸڭ اۋىرلىعىنا قاراماستان ەندوتەلييت, تامىرلى ميكرو جەنە ماكروترومبوز تٷرٸندە اسقىنۋلار بايقالادى, ياعني ەرتٷرلٸ ورگاندار مەن جٷيەلەرگە ەسەر ەتۋٸ مٷمكٸن», – دەدٸ پروفەسسور.
سونىمەن قاتار, ول ۆيرۋستىڭ مۋتاتسيياسى تۋرالى ايتتى.
«قۇرامىندا رنق بار كوروناۆيرۋس تابيعاتتا جوعارى ٶزگەرگٸشتٸككە يە. ەگەر پوپۋلياتسييادا ۇجىمدىق يممۋنيتەت قالىپتاسسا, ۆيرۋس مۋتاتسيياعا ۇشىرامايدى, ٶيتكەنٸ ول تەك تٸرٸ جاسۋشالاردا كٶبەيە الادى. ۆيرۋستىڭ جاڭا مۋتاتسيياسىمەن كٷرەسۋدٸڭ جالعىز جولى - ۆاكتسينا الۋ. ۇجىمدىق يممۋنيتەت حالىقتىڭ 70%-دان استامى ۆاكتسينا العاندا قالىپتاسادى», – دەدٸ مەديتسينا عىلىمدارىنىڭ دوكتورى.
سونداي-اق ەپيدەميولوگ كوروناۆيرۋس جۇقتىرۋدىڭ سەبەپتەرٸنە توقتالدى.
ونىڭ ايتۋىنشا, اۋرۋدان كەيٸن ۆيرۋسقا قارسى يممۋنيتەتتٸ قالىپقا كەلتٸرۋ قارقىندى جەنە ۇزاق, ەلسٸز ەرٸ قىسقا مەرزٸمدٸ بولۋى مٷمكٸن. مۇنىڭ بەرٸ ادام اعزاسىنىڭ رەاكتيۆتٸلٸگٸنە بايلانىستى, سوندىقتان اۋرۋدان كەيٸن قايتا ينفەكتسييا جوعالمايدى.
پروفەسسور سونىمەن قاتار, بالالار مەن جاستاردىڭ اعزاسىندا COVID-19-عا قارسى انتيدەنەلەر جوق ەكەنٸن ايتتى.
«بالالار جاڭا «دەلتا» شتاممىمەن 5 ەسە جيٸ اۋىرا باستادى. سوندىقتان قازاقستان بالالاردى ۆاكتسينالاۋ قاجەتتٸلٸگٸ تۋرالى ويلانۋى كەرەك. بۇل مەسەلەنٸ عالىمدار, ەپيدەميولوگتار جەنە كلينيكتەر تالقىلايتىن بولادى»-دەيدٸ ول.
سونداي-اق پروفەسسور يممۋندىق جاۋاپ ۆاكتسينانىڭ تولىق كۋرسىنان كەيٸن شامامەن 3-4 اپتادان كەيٸن پايدا بولاتىنىن تٸلگە تيەك ەتتٸ. ونىڭ ٸشٸندە 2 كومپونەنت الىنادى. وسى ۋاقىتقا دەيٸن اعزادا انتيدەنەلەر پايدا بولادى جەنە تالداۋ يممۋنيتەتتٸڭ ناقتى دەڭگەيٸن كٶرسەتەدٸ.
