«Úndi» shtamynyń tez taralýy boiynsha Almaty «qyzyl» aimaqta tur.
S. Asfendiiarov atyndaǵy QazUMÝ juqpaly jáne tropikalyq aýrýlar kafedrasynyń professory, meditsina ǵylymdarynyń doktory Kúlásh Qurmanova epidemiologiialyq jaǵdai týraly aityp, infektsiiadan qalai saqtaný kerektigin túsindirdi, dep habarlaidy QazAqparat.
Onyń aitýynsha, qaladaǵy epidemiialyq jaǵdai kúrdeli. Óitkeni jańa «delta» shtamynyń kontagiozdyǵy joǵary ári anyqtalǵan shtamdarǵa qaraǵanda 60%-ǵa juqpaly. Eger SARS-CoV2 ainalmaly shtamyn bir juqtyrǵan adam ony ainalasyndaǵy 3-4 adamǵa juqtyrsa, «delta» shtamyn 5-6 adam juqtyrady. Shtamnyń inkýbatsiialyq kezeńi qysqa, 7 kúnge deiin. Sondai-aq aýrý juqtyrǵan adamnyń býyndary men ishi qatty aýyrady, júregi ainyp, qusqysy keledi. Aýrý aiaqtyń tómengi bóliginiń mikrotrombozyna ákelýi múmkin.
«Sońǵy zertteýler kórsetkendei, «úndi» koronavirýsynyń qaýiptiligi sol, aýrýhanaǵa jatý men ólim qaýpi joǵary. Koronavirýs infektsiiasynan keiin derttiń aýyrlyǵyna qaramastan endoteliit, tamyrly mikro jáne makrotromboz túrinde asqynýlar baiqalady, iaǵni ártúrli organdar men júielerge áser etýi múmkin», – dedi professor.
Sonymen qatar, ol virýstyń mýtatsiiasy týraly aitty.
«Quramynda RNQ bar koronavirýs tabiǵatta joǵary ózgergishtikke ie. Eger popýliatsiiada ujymdyq immýnitet qalyptassa, virýs mýtatsiiaǵa ushyramaidy, óitkeni ol tek tiri jasýshalarda kóbeie alady. Virýstyń jańa mýtatsiiasymen kúresýdiń jalǵyz joly - vaktsina alý. Ujymdyq immýnitet halyqtyń 70%-dan astamy vaktsina alǵanda qalyptasady», – dedi meditsina ǵylymdarynyń doktory.
Sondai-aq epidemiolog koronavirýs juqtyrýdyń sebepterine toqtaldy.
Onyń aitýynsha, aýrýdan keiin virýsqa qarsy immýnitetti qalypqa keltirý qarqyndy jáne uzaq, álsiz ári qysqa merzimdi bolýy múmkin. Munyń bári adam aǵzasynyń reaktivtiligine bailanysty, sondyqtan aýrýdan keiin qaita infektsiia joǵalmaidy.
Professor sonymen qatar, balalar men jastardyń aǵzasynda COVID-19-ǵa qarsy antideneler joq ekenin aitty.
«Balalar jańa «delta» shtammymen 5 ese jii aýyra bastady. Sondyqtan Qazaqstan balalardy vaktsinalaý qajettiligi týraly oilanýy kerek. Bul máseleni ǵalymdar, epidemiologtar jáne klinikter talqylaityn bolady»-deidi ol.
Sondai-aq professor immýndyq jaýap vaktsinanyń tolyq kýrsynan keiin shamamen 3-4 aptadan keiin paida bolatynyn tilge tiek etti. Onyń ishinde 2 komponent alynady. Osy ýaqytqa deiin aǵzada antideneler paida bolady jáne taldaý immýnitettiń naqty deńgeiin kórsetedi.
