كوروناۆيرۋس ينفەكتسيياسىنا قارسى رەۆاكتسيناتسييا, بالالاردى ۆاكتسينالاۋ قانشالىقتى قاجەتتٸ شارا? «حابار» تەلەارناسىنداعى «بولشايا نەدەليا» باعدارلاماسىندا ساراپشىلار وسى تٶڭٸرەكتە پٸكٸر بٸلدٸردٸ, دەپ حابارلايدى قازاقپارات.
«بٸز قازٸر ۆيرۋسقا قارسى ۆاكتسينانىڭ ٷشٸنشٸ دوزاسىن ەگۋ باستالاتىنىن ايتىپ جاتىرمىز عوي, بٸراق كەيبٸر وتانداستارىمىز ەلٸ بٸرٸنشٸ كومپونەنتٸن دە العان جوق. ۆاكتسينا جاسالعان پلاتفورمالار يممۋندىق جاۋاپتىڭ ەرتٷرلٸ بٶلٸكتەرٸن بەلسەندٸرەدٸ. دەنساۋلىق ساقتاۋ مينيسترلٸگٸ ۇسىنعان سحەمانى تولىعىمەن قۇپتايمىن. ەگەر العاشقى ەكٸ دوزا «سپۋتنيك» ۆاكتسيناتسيياسى بولسا, بۇل جولى باسقاسىن العان دۇرىس دەپ ويلايمىن. مىسالى, بٸزدٸڭ QazVac-تى الۋعا بولادى. «سپۋتنيك» ادەنوۆيرۋسقا قوندىرىلعاندىقتان, جاسۋشا دەڭگەيٸندە يممۋنيتەتتٸ ٶتە جاقسى بەلسەندٸرەدٸ. بٸراق ونىڭ جارامدىلىق اياسى ٶتە تار. ال QazVac-تىڭ ەرەكشەلٸگٸ كەڭ, بۇل ٶلتٸرٸلگەن ۆاكتسينا. بۋستەرلٸك ۆاكتسيناتسييا كەزٸندە ۆاكتسينانى اۋىستىرۋ ٶتە ورىندى», - دەدٸ C.اسفەنديياروۆ اتىنداعى قازۇمۋ-دىڭ جالپى يممۋنولوگييا كافەدرا مەڭگەرۋشٸسٸ ەلميرا بيتانوۆا.
ساراپشى پرەزيدەنت حالىقتى قايتا ۆاكتسيناتسييالاۋ ناۋقانىن باستاۋدى ۇسىنعانىن ەسكە سالدى. ونىڭ ايتۋىنشا, مٸندەتتٸ تٷردە قايتا ۆاكتسيناتسييالانۋى كەرەك ازاماتتاردىڭ بەلگٸلٸ بٸر ساناتى بار. سونىمەن قاتار تيٸمدٸ يممۋندىق رەاكتسييانى ۇزارتقىسى كەلەتٸن ەرٸكتٸلەرگە دە مٷمكٸندٸك بەرٸلۋٸ كەرەك.
سونداي-اق, باعدارلاما بارىسىندا ساراپشىلار بالالاردى ۆاكتسينالاۋ مەسەلەسٸن تالقىلادى.
«بالالار ەپيدەميولوگييالىق تٸزبەككە بەلسەندٸ قاتىسادى.ولاردىڭ اعزاسىندا سيپتوسمىز ٶتكەنٸمەن, ٶزدەرٸ ينفەكتسييانىڭ تاسىمالداۋشىسى بولۋى مٷمكٸن. سوندىقتان بالالاردى ۆاكتسينالاۋ ورىندى. ەرينە, بۇل شارا بالالارعا سالىناتىن ۆاكتسينا قاۋٸپسٸز ەكەنٸن تولىق كٶز جەتكٸزگەننەن كەيٸن عانا باستالۋى كەرەك», - دەدٸ ەلميرا بيتانوۆا.
مەديتسينا عىلىمدارىنىڭ كانديداتى, قوعام قايراتكەرٸ بەكسۇلتان تۇتقىشەۆ ۆاكتسيناعا مۇقتاج بولعان توقسانىنشى جىلداردى ەسكە الدى.
«توقسانىنشى جىلدارى بالالاردى ۆاكتسينالاۋ مەسەلەسٸ ٶزەكتٸ بودى. سەبەبٸ مەملەكەتتٸڭ ەكپە الاتىن اقشاسى جوق ەدٸ. سٶيتٸپ بالالاردىڭ بٸرشاما بٶلٸگٸ ۆاكتسيناسدان قاعىلدى. سالدارىنان توقسانىنشى جىلداردىڭ اياعى مەن ەكٸ مىڭىنشى جىلداردىڭ باسىندا كٶبٸ 20-25 جاسىندا جەلشەشەكپەن اۋىردى, كٶز جۇمدى», - دەپ ەسكە الدى بەكسۇلتان تۇتقىشەۆ.
ال نۇر-سۇلتان قالاسى ەكٸمدٸگٸنٸڭ كٶپسالالى مەديتسينالىق ورتالىعىنىڭ جوعارى ساناتتى ينفەكتسيونيست دەرٸگەرٸ ايگٷل جاڭاباەۆا رەۆاكتسيناييا الدىڭعى ەكٸ كوموپنەنتٸ العاننان كەيٸن جارتى جىل ٶتكەندە جالاۋى كەرەك دەگەن پايىمىن ايتتى.
«قازٸر جىل سايىن تۇماۋعا قارسى ەكپە الاتىندار كٶپ. ٶيتكەنٸ تۇماۋ تارايتىن كەزەڭدەر تۇراقتى. ال بۇل ٸندەتتەتٸڭ تارايتىن ناقتى بٸر كەزەڭٸ جوق. سوندىقتان التى اي سايىن ۆاكتسينالا العان جٶن», - دەيدٸ ول.
