Koronavirýs infektsiiasyna qarsy revaktsinatsiia, balalardy vaktsinalaý qanshalyqty qajetti shara? «Habar» telearnasyndaǵy «Bolshaia nedelia» baǵdarlamasynda sarapshylar osy tóńirekte pikir bildirdi, dep habarlaidy QazAqparat.
«Biz qazir virýsqa qarsy vaktsinanyń úshinshi dozasyn egý bastalatynyn aityp jatyrmyz ǵoi, biraq keibir otandastarymyz áli birinshi komponentin de alǵan joq. Vaktsina jasalǵan platformalar immýndyq jaýaptyń ártúrli bólikterin belsendiredi. Densaýlyq saqtaý ministrligi usynǵan shemany tolyǵymen quptaimyn. Eger alǵashqy eki doza «Spýtnik» vaktsinatsiiasy bolsa, bul joly basqasyn alǵan durys dep oilaimyn. Mysaly, bizdiń QazVac-ty alýǵa bolady. «Spýtnik» adenovirýsqa qondyrylǵandyqtan, jasýsha deńgeiinde immýnitetti óte jaqsy belsendiredi. Biraq onyń jaramdylyq aiasy óte tar. Al QazVac-tyń ereksheligi keń, bul óltirilgen vaktsina. Býsterlik vaktsinatsiia kezinde vaktsinany aýystyrý óte oryndy», - dedi C.Asfendiiarov atyndaǵy QazUMÝ-dyń jalpy immýnologiia kafedra meńgerýshisi Elmira Bitanova.
Sarapshy Prezident halyqty qaita vaktsinatsiialaý naýqanyn bastaýdy usynǵanyn eske saldy. Onyń aitýynsha, mindetti túrde qaita vaktsinatsiialanýy kerek azamattardyń belgili bir sanaty bar. Sonymen qatar tiimdi immýndyq reaktsiiany uzartqysy keletin eriktilerge de múmkindik berilýi kerek.
Sondai-aq, baǵdarlama barysynda sarapshylar balalardy vaktsinalaý máselesin talqylady.
«Balalar epidemiologiialyq tizbekke belsendi qatysady.Olardyń aǵzasynda siptosmyz ótkenimen, ózderi infektsiianyń tasymaldaýshysy bolýy múmkin. Sondyqtan balalardy vaktsinalaý oryndy. Árine, bul shara balalarǵa salynatyn vaktsina qaýipsiz ekenin tolyq kóz jetkizgennen keiin ǵana bastalýy kerek», - dedi Elmira Bitanova.
Meditsina ǵylymdarynyń kandidaty, qoǵam qairatkeri Beksultan Tutqyshev vaktsinaǵa muqtaj bolǵan toqsanynshy jyldardy eske aldy.
«Toqsanynshy jyldary balalardy vaktsinalaý máselesi ózekti body. Sebebi memlekettiń ekpe alatyn aqshasy joq edi. Sóitip balalardyń birshama bóligi vaktsinasdan qaǵyldy. Saldarynan toqsanynshy jyldardyń aiaǵy men eki myńynshy jyldardyń basynda kóbi 20-25 jasynda jelsheshekpen aýyrdy, kóz jumdy», - dep eske aldy Beksultan Tutqyshev.
Al Nur-Sultan qalasy ákimdiginiń kópsalaly meditsinalyq ortalyǵynyń joǵary sanatty infektsionist dárigeri Aigúl Jańabaeva revaktsinaiia aldyńǵy eki komopnenti alǵannan keiin jarty jyl ótkende jalaýy kerek degen paiymyn aitty.
«Qazir jyl saiyn tumaýǵa qarsy ekpe alatyndar kóp. Óitkeni tumaý taraityn kezeńder turaqty. Al bul indettetiń taraityn naqty bir kezeńi joq. Sondyqtan alty ai saiyn vaktsinala alǵan jón», - deidi ol.
