الماتى وبلىسىنا جۇمىس ساپارى بارىسىندا قر پرەمەر-مينيسترٸ باقىتجان ساعىنتاەۆ جاڭا ٶندٸرٸس ورىندارى اشىلىپ جاتقان «تالدىقورعان» يندۋستريالدى ايماعىنىڭ جۇمىسىمەن تانىستى, سونىمەن قاتار ايماقتاعى تۇرعىنداردى جۇمىسپەن قامتۋ بويىنشا شارالار تۋرالى ەسەپتٸ تىڭدادى, دەپ حابارلايدى primeminister.kz.
ب. ساعىنتاەۆقا «تالدىقورعان», «بەرەكە» يندۋستريالدى ايماقتارىنىڭ اعىمداعى قىزمەتٸ, «قورعاس - شىعىس قاقپاسى» اەا جۇمىسى تۋرالى مەلٸمەت بەرٸلدٸ, سونداي-اق پانفيلوۆ اۋدانىنداعى جاڭا نۇركەنت قالاسىنىڭ قۇرىلىس بارىسى جەنە Gate Sity سەرٸكتەس قالاسىن دامىتۋ تۋرالى باياندالدى.
قازٸرگٸ كەزدە يندۋستريالدى ايماق اۋماعىندا بارلىعى 11 كەسٸپورىن جۇمىس ٸستەپ تۇر, ونىڭ ٸشٸندە مەتالل بۇيىمدارىن, جىلىتاتىن بازالتتٸ پليتالاردى, اسفالت, بەتون مەن باسقالارىن ٶندٸرەتٸن زاۋىتتار مەن تسەحتەر بار. سونىمەن قاتار الداعى ۋاقىتتا تاعى 9 كەسٸپورىن وسى جەرگە ٶز ٶندٸرٸستەرٸن ورنالاستىرۋدى جوسپارلاۋدا.
جاڭا ٶندٸرٸستەردٸ بٸلٸكتٸ ماماندارمەن قامتاماسىز ەتۋ ٷشٸن ٶڭٸردە تۇراقتى تٷردە بوس جۇمىس ورىندارى جەرمەڭكەلەرٸ ٶتكٸزٸلٸپ تۇرادى. قر پرەمەر-مينيسترٸ ب. ساعىنتاەۆ «جاستار» اتتى جاڭا ساياباقتاعى بوس جۇمىس ورىندارى جەرمەڭكەسٸنە باردى, مۇندا 100-گە جۋىق كەسٸپورىن 1500-دەن استام جۇمىس ورنىن ۇسىندى.
باقىتجان ساعىنتاەۆقا مۇنداي جەرمەڭكەلەردٸڭ جيٸ ٶتكٸزٸلۋٸ ەسەبٸنەن, بيىلعى جىلدىڭ باسىنان بەرٸ 6 مىڭنان استام ادامدى جۇمىسقا ورنالاستىرۋ مٷمكٸن بولعانى باياندالدى. ونىڭ ٸشٸندە تۇراقتى جۇمىس ورىندارىمەن 2300-گە جۋىق ادام, ماۋسىمدىق جۇمىسپەن - 1300 ادام قامتاماسىز ەتٸلدٸ, جەرگٸلٸكتٸ بيۋدجەت قاراجاتى ەسەبٸنەن اقى تٶلەنەتٸن قوعامدىق جۇمىستارمەن 2700 ادام قامتىلدى.
.jpeg)