بٷگٸن قر پرەمەر-مينيسترٸ باقىتجان ساعىنتاەۆتىڭ تٶراعالىعىمەن ٶتكەن ٷكٸمەت وتىرىسى بارىسىندا ەلەكتر ەنەرگيياسىنا, كٶمٸرگە, تكش قىزمەتتەرٸنە باعانى تٶمەندەتۋ مەسەلەسٸ جەنە مەملەكەت باسشىسى قاۋٸپسٸزدٸك كەڭەسٸنٸڭ وتىرىسىندا بەرگەن تاپسىرمالاردى ورىنداۋ اياسىنداعى بايلانىسى قارالدى, دەپ حابارلايدى "ۇلت اقپارات".
مينيسترلەردٸڭ باياندامالارىن تىڭداعان سوڭ پرەمەر-مينيستر ٶتكەن ۋاقىتتا مەملەكەت باسشىسىنىڭ تاپسىرماسىن ورىنداۋ بويىنشا اۋقىمدى جۇمىستار اتقارىلعانىن اتاپ ٶتتٸ. 2019 جىلدىڭ 1 قاڭتارىنان باستاپ ەلەكتر ەنەرگيياسىنىڭ, گاز, جىلۋ مەن سۋدىڭ, كٶمٸردٸڭ, ۇيالى بايلانىس پەن ينتەرنەتتٸڭ باعاسى تٶمەندەيدٸ. ب.ساعىنتاەۆ مەملەكەت باسشىسىنىڭ تاپسىرمالارى 1 قاڭتاردان باستاپ ورىندالۋى كەرەكتٸگٸن باسا ايتتى.
وسىعان بايلانىستى, وبلىستاردىڭ, استانا, الماتى, شىمكەنت قالالارىنىڭ ەكٸمدٸكتەرٸنە تۇرعىندار ٷشٸن كٶمٸردٸڭ قولايلى باعاسىن قامتاماسىز ەتۋ ٷشٸن ٶڭٸرلٸك وپەراتورلاردىڭ ٷزدٸكسٸز جەنە ساپالى جۇمىسىن قامتاماسىز ەتۋ تاپسىرىلدى.
«كٶمٸر باعاسى تەمٸرجول تۇيىقتارىندا تٶمەندەپ جاتىر. ال ارى قاراي كٶلٸكپەن تاسۋ, بۇل ەندٸ, جەرگٸلٸكتٸ ەكٸمدەردٸڭ جۇمىسى. ياعني, قازٸر ول جۇمىستار اتقارىلمايتىن بولسا, وندا كٶمٸر باعاسىنىڭ 17-20 پايىزعا دەيٸن تٶمەندەۋٸ تاسىمالداۋمەن اينالىساتىن كەسٸپكەرلەردٸڭ قالتاسىنا كەتەتٸن بولادى. تۇتىنۋشى باعانىڭ ەشقانداي تٶمەندەۋٸن كٶرمەيدٸ.
ٷكٸمەت, مينيسترلٸك ٶز جۇمىسىن جاسادى. نەگٸزگٸ كٶمٸر ٶندٸرۋشٸلەرمەن كەلٸسٸمشارتتار جاسالىپ, جۇمىستىڭ بەرٸ اياقتالدى. ەندٸ, نەگٸزگٸ تۇتىنۋشىلارعا دەيٸنگٸ جۇمىستى قولعا الۋدى سۇرايمىز», - دەدٸ ول وبلىس ەكٸمدەرٸنە قاراتا.
سونىمەن قاتار, پرەمەر-مينيستر بٸرقاتار ٶڭٸرلەردە جىلدىڭ باسىنان بەرٸ قوقىس شىعارۋ تاريفتەرٸنٸڭ ٶسكەنٸنە توقتالدى. ول شىعىس قازاقستان وبلىسىندا 30%-عا, باتىس قازاقستان وبلىسىندا 46%-عا, سولتٷستٸك قازاقستان وبلىسىندا 50%-عا جەنە الماتى قالاسىندا 40%-عا ٶسكەن. جولاۋشىلار تاسىمالى بويىنشا اقتٶبە وبلىسىندا جولاقى باعاسى 30%-عا ٶسكەن.
پرەمەر-مينيستر ب. ساعىنتاەۆ ٶڭٸرلەردٸڭ ەكٸمدەرٸنە وبلىستىڭ كوممۋنالدىق قىزمەتتەر تاريفتەرٸنٸڭ ٶسۋٸنە جول بەرمەۋدٸ جەنە ولاردى تٶمەندەتۋ بويىنشا تيٸستٸ جۇمىستار جٷرگٸزۋدٸ تاپسىردى.
