جەر كودەكسٸنٸڭ 12-بابىنا سەيكەس, ٷلەستەس زاڭدى تۇلعا ٶزٸنەن بٶلەك 10, تٸپتٸ 100 زاڭدى تۇلعا اشىپ, ولاردىڭ ەرقايسىنا قۇرىلتايشى بولا الادى. بۇل تۋرالى قر اۋىل شارۋاشىلىعى مينيسترلٸگٸ جەر رەفورماسى كوميسسيياسىنىڭ وتىرىسىندا زاڭگەر باقىتجان بازاربەك ايتتى, دەپ حابارلايدى قازاقپارات.
«ماتەرياليستەردٸڭ پايدا بولۋى قوعامنىڭ نارازىلىعىن تۋعىزىپ وتىر. ٷلكەن-ٷلكەن جەرلەردٸ, مىڭداعان, ميلليونداعان گەكتار جەردٸ مەنشٸكتەپ العان جەر يەلەنۋشٸلەرٸ بار. ٷلەستەس زاڭدى تۇلعا جەر كودەكسٸنٸڭ 12-بابىنا سەيكەس ٶزٸنەن بٶلەك 10, تٸپتٸ 100 زاڭدى تۇلعا اشىپ, ونىڭ ەرقايسىسىنا قۇرىلتايشى بولا الادى. ەربٸرٸنە تيٸستٸ شەكتٸ كٶلەمدە جەردٸ رەسٸمدەپ, ال شىن مەنٸندە ول جەردٸڭ بەرٸنە ٶزٸ يەلٸك ەتۋگە مٷمكٸندٸگٸ بار», - دەيدٸ «Bazarbek&Partners» زاڭ كومپانيياسىنىڭ باس ديرەكتورى بازاربەك جۇمابەكۇلى.
ونىڭ ايتۋىنشا, مۇنداي مونوپولييانىڭ الدىن الۋ ٷشٸن جەر كودەكسٸنٸڭ 50-بابى, 3-تارماعىنان «ٷلەستەس زاڭدى تۇلعا» دەگەن ۇعىمدى الىپ تاستاۋ كەرەك.
«بۇل ۇعىمدى زاڭنان الىپ تاستاۋ كەرەك نەمەسە «زاڭدى تۇلعا مەن ونىڭ ٷلەستەس تۇلعالارى جالپى جيىنتىقپەن بٸر عانا كٶلەمدەگٸ جەرگە يە بولۋى تيٸس» دەگەن ۇعىمدى ەنگٸزۋٸمٸز كەرەك. بۇل – حالىق ٷشٸن يگٸ باستاما بولار ەدٸ», - دەيدٸ ول.
