ٷش كۋەگەردٸڭ بەلگٸسٸز سەبەپتەرمەن سوت پروتسەسٸنە كەلمەي قالۋىنا بايلانىستى اتىراۋ وبلىسى ەكٸمٸنٸڭ بۇرىنعى ورىنباسارى باقىتگٷل حامەنوۆانىڭ سوتى 5 قىركٷيەكتە قايتا جالعاسادى, دەپ حابارلايدى "ۇلت اقپارات" «حابار 24» ارناسىنا سٸلتەمە جاساپ.
سوتتا كۋەگەرلەر - اتىراۋ قالالىق مەدەنيەت جەنە سپورت بٶلٸمٸنٸڭ ەسەپ جەنە ەسەپتەۋ بٶلٸمٸنٸڭ مەڭگەرۋشٸسٸ ليزا ۋكەشوۆا مەن سارايشىق اۋىلدىق وكرۋگٸنٸڭ ەكٸمٸ جەكسەنباي فازۋلوۆتىڭ جاۋابى تىڭدالدى. ولاردان ٶزگە ٷش كۋەگەر بەلگٸسٸز سەبەپتەرمەن سوت پروتسەسٸنە كەلمەي قالدى.
سول سەبەپتٸ سوتتىڭ كەلەسٸ وتىرىسى 5 قىركٷيەكتە جالعاسادى.
ايتا كەتەيٸك, 11 تامىزدا اتىراۋدا وبلىس ەكٸمٸنٸڭ ەكس-ورىنباسارى باقىتگٷل حامەنوۆاعا, اتىراۋ وبلىسى مەدەنيەت, تٸلدەردٸ دامىتۋ جەنە ارحيۆ ٸسٸ باسقارماسىنىڭ باسشىسى اقىلبەك رىسقاليەۆ پەن «بالقىتۋ» جشس ديرەكتورى ٶمٸرتاي اداموۆتىڭ سوتى ٶتتٸ.
حامەنوۆا مەن رىسقاليەۆتىڭ ٸسٸ قر قىلمىستىق كودەكسٸنٸڭ 366-بابىنىڭ 3-بٶلٸگٸنٸڭ 3-تارماعىمەن تەرگەلگەن. ال, «بالقىتۋ» جشس ديرەكتورى ٶمٸرتاي اداموۆ قر قىلمىستىق كودەكستٸڭ 367-بابىنىڭ 2-بٶلٸگٸمەن تەرگەۋگە الىنعان.
