Úsh kýágerdiń belgisiz sebeptermen sot protsesine kelmei qalýyna bailanysty Atyraý oblysy ákiminiń burynǵy orynbasary Baqytgúl Hamenovanyń soty 5 qyrkúiekte qaita jalǵasady, dep habarlaidy "Ult aqparat" «Habar 24» arnasyna silteme jasap.
Sotta kýágerler - Atyraý qalalyq mádeniet jáne sport bóliminiń esep jáne esepteý bóliminiń meńgerýshisi Liza Ýkeshova men Saraishyq aýyldyq okrýginiń ákimi Jeksenbai Fazýlovtyń jaýaby tyńdaldy. Olardan ózge úsh kýáger belgisiz sebeptermen sot protsesine kelmei qaldy.
Sol sebepti sottyń kelesi otyrysy 5 qyrkúiekte jalǵasady.
Aita keteiik, 11 tamyzda Atyraýda oblys ákiminiń eks-orynbasary Baqytgúl Hamenovaǵa, Atyraý oblysy mádeniet, tilderdi damytý jáne arhiv isi basqarmasynyń basshysy Aqylbek Rysqaliev pen «Balqytý» JShS direktory Ómirtai Adamovtyń soty ótti.
Hamenova men Rysqalievtyń isi QR Qylmystyq kodeksiniń 366-babynyń 3-bóliginiń 3-tarmaǵymen tergelgen. Al, «Balqytý» JShS direktory Ómirtai Adamov QR Qylmystyq kodekstiń 367-babynyń 2-bóligimen tergeýge alynǵan.
