بٷگٸن, 3 تامىزدا №2 قالالىق سوتتا اتىراۋ وبلىسى ەكٸمٸنٸڭ بۇرىنعى ورىنباسارى باقتىگٷل حامەنوۆانىڭ ٸسٸ بويىنشا العاشقى سوت وتىرىسى ٶتتٸ, دەپ حابارلايدى "ۇلت اقپارات" جەرگٸلٸكتٸ اقجايىق باسىلىمىنا سٸلتەمە جاساپ.
سوت پروتسەسٸ قازاق تٸلدٸ اۋدارماشىنىڭ قاتىسۋىمەن ورىس تٸلٸندە ٶتەدٸ. وتىرىس تاڭعى ساعات 9:30-عا بەلگٸلەندٸ. الايدا قاراۋىل سوتتالۋشى حامەنوۆانى ساعات 10-عا جاقىن ەكەلدٸ. وتىرىس جارتى ساعاتتاي ۋاقىتقا سوزىلدى. سۋديا جۇمابەك تەشٸموۆ قاراۋىلدارعا كەشٸگٸپ كەلگەنٸ ٷشٸن ەسكەرتۋ جاسادى.
سوت وتىرىسىنا اتىراۋ وبلىستىق پروكۋراتۋرا باسقارماسىنىڭ پروكۋرورى, كٸشٸ ەدٸلەت كەڭەسشٸسٸ لاۋرا اسانوۆا قاتىستى.
سوت زالىندا ادام كٶپ – تۋىستارى مەن تانىستارى, سونداي-اق حامەنوۆانىڭ جاقتاستارى, باق ٶكٸلدەرٸ دە بولدى.
سۋديا تەشٸموۆ پروتسەسكە قاتىسۋشىلاردان سوت قابىرعاسىنداعى اۋديو-بەينە جازباعا قارسىلىقتارى بار-جوعىن سۇرادى. بارلىعى, ونىڭ ٸشٸندە حامەنوۆانىڭ ٶزٸ دە قارسىلىعىمىز جوق دەپ جاۋاپ بەردٸ.
ٸس بويىنشا وبلىستىق مەدەنيەت باسقارماسىنىڭ باسشىسى اقىلبەك رىسقاليەۆ پەن «بالقىتۋ» جشس ديرەكتورى ٶمٸرتاي اداموۆ تا سوتتالۋشى رەتٸندە قاتىسىپ جاتىر. حامەنوۆا مەن رىسقاليەۆتىڭ ادۆوكاتتارى - يگور ۆرانچەۆ پەن نۇرلان جولبولوۆ, ال اداموۆتىڭ ادۆوكاتى - نۇرسۇلتاندىق مارات ازماعامبەتوۆ.
سۋديا حامەنوۆادان “ايىپتاۋ اكتٸسٸنٸڭ كٶشٸرمەسٸن الدىڭىز با?” دەپ سۇرادى. ول “جوق” دەپ جاۋاپ بەردٸ.
“تەرگەۋ يزولياتورىندا وتىرعانىما 8 اي ٶتسە دە, ايىپتاۋ اكتٸسٸنٸڭ كٶشٸرمەسٸن العان جوقپىن. ەرينە, ماعان تەرگەۋشٸلەر دە, پروكۋرورلار دا كەلدٸ. سول كٷنٸ بٸزدٸڭ تٷرمە كٷزەتشٸلەرٸ ماعان بٸرەۋ كەلگەنٸن ايتتى. ولاردىڭ اراسىندا مەنٸڭ ادۆوكاتىم بار ما دەپ سۇرادىم, ەگەر ادۆوكاتىم بولماسا, شىقپايتىنىمدى ايتتىم, - دەدٸ حامەنوۆا.
سۋديا تەشٸموۆ قىلمىستىق ٸس جٷرگٸزۋ كودەكسٸنٸڭ نورمالارىنا سەيكەس, سوتتالۋشىعا ايىپتاۋ اكتٸسٸنٸڭ كٶشٸرمەسٸ بەرٸلگەننەن كەيٸن سوت وتىرىسىن كەمٸندە ٷش كٷننەن كەيٸن جالعاستىرۋعا بولاتىنىن ايتتى. سوندىقتان كەلەسٸ وتىرىس 11 تامىزعا بەلگٸلەندٸ.
ەسكە سالساق, 2021 جىلدىڭ 22 جەلتوقسانىنان بەرٸ ب.حامەنوۆا تەرگەۋ يزولياتورىندا وتىر. ول 10 جەلتوقساندا اتىراۋدا 145 ميلليون تەڭگەگە اباي ەسكەرتكٸشٸن دايىنداۋ جەنە ورناتۋ ٷشٸن مەملەكەتتٸك ساتىپ الۋ تۋرالى شارت جاساسۋ ٷشٸن جشس باسشىسىنان 4,5 ميلليون تەڭگە پارا الدى دەگەن كٷدٸكپەن ۇستالدى. قىلمىستىق ٸس قر قىلمىستىق كودەكسٸنٸڭ 366-بابىنىڭ 2-بٶلٸگٸ («ايتارلىقتاي مٶلشەردە پارا الۋ») بويىنشا تەرگەلۋدە.
بۇعان دەيٸن وبلىس ەكٸمدٸگٸندە حابارلانعانداي, «2018 جىلعى 7 شٸلدەدە مەدەنيەت جەنە سپورت مينيسترلٸگٸ جانىنداعى مونۋمەنتالدى ٶنەردٸڭ جاڭا قۇرىلىمدارىن ورناتۋ جٶنٸندەگٸ كوميسسييا اباي ەسكەرتكٸشٸن ورناتۋ يدەياسىن ماقۇلدادى. 2019 جىلدىڭ 22 سەۋٸرٸندە اشىق كونكۋرس جارييالانىپ, سول جىلدىڭ 20 قاراشاسىندا كوميسسييا مٷسٸنشٸ اسقار نارتوۆتىڭ جوباسىن تاڭداپ, ەكٸ جىلدان كەيٸن قالالىق مەدەنيەت بٶلٸمٸ «بالقىتۋ» جشس-مەن 145 ملن تەڭگەگە كەلٸسٸمشارتقا وتىردى. بيىل 72 ملن 499 مىڭ تەڭگە بٶلٸنٸپ, بۇل اقشا يگەرٸلدٸ. قالعانى 2022 جىلدىڭ بيۋدجەتٸنەن بٶلٸنەدٸ».
بىلتىر جەلتوقساندا حامەنوۆا تەرگەۋ يزولياتورىنا بٸردەن وتىرعان جوق. جاۋاپ الىنعاننان كەيٸن ونى ۋاقىتشا ۇستاۋ يزولياتورىنا قامادى. سودان كەيٸن اتىراۋ قالاسىنىڭ تەرگەۋ سوتى وعان ٷيقاماققا الۋ تۋرالى سانكتسييا بەردٸ. بٸراق كەيٸن وبلىس پروكۋراتۋراسىنىڭ ٶتٸنٸشٸمەن بۇلتارتپاۋ شاراسى اناعۇرلىم قاتاڭ: تەرگەۋ يزولياتورىنا قاماۋدا ۇستاۋ شاراسىنا ٶزگەردٸ. بۇل شەشٸمدٸ وبلىستىق سوت: «جەتەكشٸ لاۋازىمدى اتقارعان جەنە وسى ٶڭٸردە ىقپالى مەن مىقتى ەلەۋمەتتٸك بايلانىسى بار باقىتگٷل حامەنوۆا پروتسەسكە قاتىسۋشىلارعا قىسىم جاساپ, ٸستٸڭ وبەكتيۆتٸ تەرگەلۋٸنە كەدەرگٸ كەلتٸرۋٸ مٷمكٸن» دەپ تٷسٸندٸردٸ. ايتا كەتۋ كەرەك, ەلەۋمەتتٸك جەلٸدە كٶپشٸلٸك وسىناۋ قاتاڭ بۇلتارتپاۋ شاراسىن ماقۇلدادى.
اينۇر ساپاروۆا
سۋرەتتەر مەن بەينەجازبانى تٷسٸرگەن اۆتور
