قر اقپارات جەنە قوعامدىق دامۋ مينيسترٸ دارحان قىدىرەلٸ AstanaMediaWeek دەستٷرلٸ حالىقارالىق فورۋمىندا قازاقستاندا مەدياساۋاتتىلىقتى ارتتىرۋعا ارنالعان مەكتەپتەر اشىلاتىنىن ايتتى, دەپ حابارلايدى قازاقپارات.
«فەيكنيۋستٸ اۋديتورييانى سەنٸمدٸ اقپاراتتى تاني بٸلۋگە ماشىقتاندىرۋ ارقىلى عانا ازايتا الامىز دەپ ويلايمىن. وسىنداي كەزدە ويىمىزعا دەزينفورماتسييامەن كٷرەسۋدٸڭ بٸر جولى رەتٸندە اۋديتورييانى جالعان مەن شىن اقپاراتتىڭ ارا جٸگٸن اجىراتۋعا ٷيرەتۋ, ياعني مەدياساۋاتتىلىق ۇعىمىن ۇلعايتۋ دۇرىس دەپ سانايمىز. جەكە مەديا, ينفليۋسەر نە رەداكتسييالار سٶز جاۋاپكەرشٸلٸگٸن, اقپاراتتىڭ الدىنداعى, ونىڭ سالدارىنان بولاتىن سالماقتى سەزٸنۋگە تيٸس. بۇل ورايدا سالاعا جاۋاپتى مينيسترلٸك رەتٸندە مەديا مەكتەپتەرٸن اشۋ, ونىڭ ٸشٸندە مەدياساۋاتتىلىق بويىنشا بٸلٸم بەرۋ – بٸزدٸڭ تٸكەلەي مٸندەتٸمٸز», - دەدٸ دارحان قىدىرەلٸ.
ايتۋىنشا, اتالعان باعىتتا بٸرلەسٸپ قولعا الاتىن بٸرقاتار ٸس-شارا بار.
«فاكتچەكينگ, اقپاراتتى سارالاۋ, ونىڭ شىعۋ تٶركٸنٸن تەكسەرۋ, تاراتپاس بۇرىن بەلگٸلەنگەن كريتەريلەردەن ٶتكٸزۋ سەكٸلدٸ بٸرنەشە ساتىدان تۇراتىن وقىتۋ جٷيەسٸن ۇيىمداستىرۋىمىز كەرەك. بۇل ورايدا جۋىردا جاڭارۋى كٶزدەلٸپ وتىرعان ماسسمەديا تۋرالى زاڭ جوباسىندا بٸرشاما جاڭاشىلدىق بولماقشى. اقپاراتقا قول جەتكٸزۋ, جۋرناليستەردٸڭ مەرتەبەسٸن كٶتەرۋ, كەسٸبي قۇزىرەتٸن ارتتىرۋ سەكٸلدٸ بٸرشاما ٶزگەرٸستەردٸ جوسپارلاپ وتىرمىز», - دەدٸ مينيستر.
