قازاقستاندا "زورلاۋ" بابىمەن سوتتالعان تٶرت ازاماتقا حيمييالىق كاستراتسييا قولدانۋ ٷكٸمٸ ورىندالىپ جاتىر. پروتسەدۋرا جارتى جىلعا سوزىلماق. بۇل اقپاراتتى ٸشكٸ ٸستەر مينيسترلٸگٸنٸڭ قىلمىستىق-اتقارۋ جٷيەسٸ كوميتەتٸنٸڭ (قاجك) رەسمي جاۋابىنا سٷيەنگەن Tengrinews اگەنتتٸگٸ حابارلادى. اگەنتتٸكتٸڭ جازۋىنشا, زاڭ بويىنشا كاستراتسييا تۋرالى ٷكٸم قىلمىسكەر جازاسىن ٶتەيتٸن مەكەمەدە ورىندالادى.
"پاۆلودار, شىعىس قازاقستان, اقمولا وبلىستارى جەنە شىمكەنت قالاسى قىلمىستىق-اتقارۋ جٷيەسٸ كوميتەتٸ مەكەمەلەرٸندە سوتتالعان تٶرت ادامعا اۋماقتىق دەنساۋلىق ساقتاۋ ورگانىنىڭ مەديتسينا قىزمەتكەرلەرٸ تەكسەرگەن سوڭ حيمييالىق كاستراتسييا تٷرٸندە مەجبٷرلەپ ەمدەۋ شاراسى جٷرگٸزٸلەدٸ" دەلٸنگەن كوميتەت حابارلاماسىندا.
قاجك قازٸرگٸ كەزدە جازا ٶتەۋ مەكەمەلەرٸندە حيمييالىق كاستراتسييا قولدانۋ تۋرالى سوت ٷكٸمٸ شىققان 11 ادام قاماۋدا وتىرعانىن حابارلادى. قۇقىقتىق ستاتيستيكا كوميتەتٸنٸڭ دەرەگٸنشە, قازاقستاندا ەكٸ جىل ٸشٸندە 15 ادامعا حيمييالىق كاستراتسييا قولدانۋ تۋرالى سوت ٷكٸمٸ كٷشٸنە ەنگەن.
قىلمىستىق كودەكسكە سەيكەس, حيمييالىق كاستراتسييا "كەمەلەتكە تولماعانداردى زورلادى" دەگەن ايىپ تاعىلىپ, قىلمىسى دەلەلدەنگەن 18 جاستان اسقان تۇتقىندارعا قولدانىلادى.
شٸلدە ايىنىڭ سوڭىندا شىمكەنت قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى "كەمەلەت جاسقا تولماعان ەكٸ قىزدى زورلاماق بولدى" دەگەن ايىپپەن سوتتالعان ەر ادامعا حيمييالىق كاستراتسييا شاراسىن قولدانۋعا ٷكٸم ەتكەن.
قازاقستاندا 2018 جىلدىڭ 1 قاڭتارىنان باستاپ حيمييالىق كاستراتسييا جاساۋ تۋرالى زاڭ كٷشٸنە ەنگەن.
