اقش يرانعا سانكتسييا سالۋ مەسەلەسٸندە جەڭٸلدٸك جاساۋعا دايىن. بۇل تۋرالى حابارلاعان Bloomberg اگەنتتٸگٸ دەرەككٶزٸنٸڭ مەلٸمەتٸنشە, ۆاشينگتون اراسىندا قىتاي, جاپونييا, وڭتٷستٸك كورەيا مەن ٷندٸستان بار - بارلىعى سەگٸز مەملەكەتتٸڭ يراننان مۇناي ساتىپ الۋىنا قارسى ەمەس. مۇنىڭ ەسەسٸنە, سەگٸز ەل مۇناي يمپورتى كٶلەمٸن ازايتۋى تيٸس. سوندا عانا مۇناي باعاسىن قىمباتتاتپاۋعا بولادى.
اقش مەملەكەتتٸك دەپارتامەنتٸ مەن قارجى مينيسترلٸگٸ باق-تاعى يرانعا سالىناتىن سانكتسييانى جەڭٸلدەتۋگە قاتىستى اقپاراتقا كوممەنتاريي بەرمەدٸ. Bloomberg-تٸڭ مەلٸمەتٸنشە, سانكتسييا شارتتارىنىڭ ٶزگەرەتٸنٸ تۋرالى رەسمي تٷردە قاراشانىڭ 2-ٸ كٷنٸ جارييا بولادى. اگەنتتٸك جەڭٸلدٸك ۋاقىتشا عانا جاسالاتىنىن ايتادى. اقش جەڭٸلدٸك جاسالعان ەلدەر كەلەشەكتە يراننان مۇناي ساتىپ الۋدى قىسقارتادى دەپ ٷمٸتتەنەدٸ.
ۆاشينگتون بيىل مامىردا باتىس ەلدەرٸ يرانمەن 2015 جىلى جاساعان يادرولىق باعدارلامانى دامىتپاۋ كەلٸسٸمٸنەن شىعىپ كەتكەن سوڭ بۇرىنعى سانكتسييالاردى قايتا سالىپ جاتىر.
اقش پەن يزرايل بيلٸگٸ پرەزيدەنت باراك وباما كەزٸندە جاسالعان يادرولىق كەلٸسٸم يراندىقتاردىڭ يادرولىق قارۋ جاساۋعا قۇپييا تٷردە قارجى جيناۋىنا مٷمكٸندٸك تۋدىردى دەپ بٸلەدٸ. تەگەران بۇل ايىپتى تەرٸستەيدٸ. ەۋروپا وداعى يرانمەن جاسالعان كەلٸسٸمدٸ قولداپ, اقش-تىڭ ٶز بەتٸنشە سالعان سانكتسيياسىنان اينالىپ ٶتۋ شارالارىن دايىندايتىنىن مەلٸمدەگەن. رەسەي مەن قىتاي دا يرانمەن يادرولىق كەلٸسٸمدٸ ساقتاپ قالۋدى قولدايدى.
اقش-تىڭ يراننىڭ مۇناي سالاسىنا سالعان سانكتسييالارى قاراشانىڭ 5-ٸندە كٷشٸنە ەنەدٸ.
