اۋعانستاننىڭ ۇلتتىق قارسىلىق مايدانىنىڭ ٶكٸلدەرٸ. تامىز ايى, 2021 جىل.
"تاليبان" قوزعالىسىنىڭ (جوعارعى سوت شەشٸمٸ بويىنشا قازاقستاندا تىيىم سالىنعان قوزعالىس) سودىرلارى اۋعانستاننىڭ سولتٷستٸگٸندەگٸ باعلان پروۆينتسيياسىندا بولعان ۇرىستا شىعىنعا ۇشىراپ, شەگٸنۋگە مەجبٷر بولدى. بۇل تۋرالى تاسس اگەنتتٸگٸ ۇلتتىق قارسىلىق مايدانىنا جاقىندىعى بار بٸر دەرەككٶزگە سٸلتەمە جاساپ حابارلادى, دەپ جازادى ازاتتىق.
تەلٸپتەر مەن احماد ماسۋد باستاعان مايدان كٷشتەرٸ اراسىنداعى ۇرىس باعلاندا جەكسەنبٸ كٷنٸ قايتا جالعاسقان.
"بٷگٸن تاڭەرتەڭ باعلاندا انداراب جازىعىنداعى پۋلي-حيسار ٶڭٸرٸندە تەلٸپتەر مەن قارسىلىق كٷشتەرٸ اراسىنداعى ۇرىس قايتا جالعاستى. "تاليبان" سودىرلارى شىعىنعا ۇشىراپ, وسى ٶڭٸردەن شەگٸنۋگە مەجبٷر بولدى" دەگەن دەرەككٶز اگەنتتٸككە. ونىڭ ايتۋىنشا, ۇرىس ەلٸ اياقتالعان جوق.
قارسىلىق كٷشتەرٸنٸڭ جەرگٸلٸكتٸ كومانديرٸ حايرمۇحاممادي اندارابي ەلەۋمەتتٸك جەلٸلەرگە ۆيدەو جٷكتەپ, باعلان پروۆينتسيياسىنداعى ٷش اۋدان تەلٸپتەردەن بوساتىلعانىن حابارلادى. ول تەلٸپتەردٸ اۋعانستاننىڭ باسقا دا پروۆينتسيياسىندا وسىنداي جەڭٸلٸس كٷتٸپ تۇر دەپ مەلٸمدەدٸ.
"تاليبان" ٶكٸلدەرٸ بۇل مەلٸمەتكە قاتىستى ەزٸرگە مەلٸمدەمە جاسامادى.
بيىل تامىزدىڭ باسىندا "تاليبان" قوزعالىسى اۋعانستان ٷكٸمەتٸنٸڭ كٷشتەرٸنە شابۋىلىن ٷدەتتٸ. 15 تامىزدا تەلٸپتەر كابۋلعا ۇرىسسىز كٸرٸپ, ەلدٸ تولىقتاي باقىلاۋعا العانىن مەلٸمدەدٸ (پانجشەردەن باسقاسىن). اۋعانستان پرەزيدەنتٸ اشراف عاني بٸرٸككەن اراب ەمٸرلٸكتەرٸنە قاشتى.
احماد ماسۋد باستاعان ۇلتتىق قارسىلىق مايدانىنىڭ جاۋىنگەرلەرٸ ون كٷننەن بەرٸ تەلٸپتەرمەن سوعىسىپ جاتىر.
