Aýǵanstannyń ulttyq qarsylyq maidanynyń ókilderi. Tamyz aiy, 2021 jyl.
"Taliban" qozǵalysynyń (Joǵarǵy sot sheshimi boiynsha Qazaqstanda tyiym salynǵan qozǵalys) sodyrlary Aýǵanstannyń soltústigindegi Baǵlan provintsiiasynda bolǵan urysta shyǵynǵa ushyrap, sheginýge májbúr boldy. Bul týraly TASS agenttigi Ulttyq qarsylyq maidanyna jaqyndyǵy bar bir derekkózge silteme jasap habarlady, dep jazady Azattyq.
Tálipter men Ahmad Masýd bastaǵan maidan kúshteri arasyndaǵy urys Baǵlanda jeksenbi kúni qaita jalǵasqan.
"Búgin tańerteń Baǵlanda Andarab jazyǵyndaǵy Pýli-Hisar óńirinde tálipter men qarsylyq kúshteri arasyndaǵy urys qaita jalǵasty. "Taliban" sodyrlary shyǵynǵa ushyrap, osy óńirden sheginýge májbúr boldy" degen derekkóz agenttikke. Onyń aitýynsha, urys áli aiaqtalǵan joq.
Qarsylyq kúshteriniń jergilikti komandiri Hairmuhammadi Andarabi áleýmettik jelilerge video júktep, Baǵlan provintsiiasyndaǵy úsh aýdan tálipterden bosatylǵanyn habarlady. Ol tálipterdi Aýǵanstannyń basqa da provintsiiasynda osyndai jeńilis kútip tur dep málimdedi.
"Taliban" ókilderi bul málimetke qatysty ázirge málimdeme jasamady.
Biyl tamyzdyń basynda "Taliban" qozǵalysy Aýǵanstan úkimetiniń kúshterine shabýylyn údetti. 15 tamyzda tálipter Kabýlǵa uryssyz kirip, eldi tolyqtai baqylaýǵa alǵanyn málimdedi (Panjsherden basqasyn). Aýǵanstan prezidenti Ashraf Ǵani Birikken Arab Ámirlikterine qashty.
Ahmad Masýd bastaǵan Ulttyq qarsylyq maidanynyń jaýyngerleri on kúnnen beri táliptermen soǵysyp jatyr.
