قر باس پروكۋراتۋراسىنىڭ قۇقىقتىق ستاتيستيكا جەنە ارناۋلى ەسەپكە الۋ كوميتەتٸنٸڭ تٶراعاسى باعدات مۋسين جەكە كۋەلٸكتەن, جٷرگٸزۋشٸ كۋەلٸگٸنەن جەنە كٶلٸكتٸڭ تەحنيكالىق پاسپورتىنان باس تارتىپ, ونىڭ بارلىعىن تەلەفونداعى قوسىمشاعا اۋىستىرۋدى ۇسىندى. بۇل تۋرالى ول قازاقستان پرەزيدەنتٸ جانىنداعى مەملەكەتتٸك باسقارۋ اكادەميياسىنداعى سٶزٸندە ايتتى, - دەپ حابارلايدى kaz.tengrinews.kz.
"زاڭدى تۇلعانىڭ مەملەكەتتٸك تٸركەۋگە تۇرعانى جايلى قىزعىل تٷستٸ كۋەلٸك بولاتىن. جىلجىمايتىن مٷلٸكتٸڭ مەملەكەتتٸك تٸركەۋگە قويىلعانى جايلى دا كۋەلٸك بولدى. ەندٸ ولار قازٸر جوق. قازٸر قانداي دا بٸر مەلٸمەت كەرەك بولعان جاعدايدا, بازاعا كٸرٸپ قاراي الاسىڭ. مەن جەكە كۋەلٸك, جٷرگٸزۋشٸ كۋەلٸگٸن, سونداي-اق, كٶلٸكتٸڭ تەحنيكالىق پاسپورتى سيياقتى قۇجاتتاردى الىپ تاستاۋدى ۇسىنامىن", - دەدٸ باعدات مۋسين.
ونىڭ ايتۋىنشا, وسى قۇجاتتاردى شىعارۋدا ٷنەمدەي وتىرىپ, ەلٸمٸزدەگٸ بٷكٸل حالىقتى سمارتفوندارمەن قامتاماسىز ەتۋگە بولادى.
"قازاقستاندىقتار ٶزٸمەن بٸرگە ۇيالى تەلەفوننان باسقا ەشتەڭە ۇستامايدى. وسى قۇجاتتاردىڭ ەرقايسىسىن شىعارعاننان گٶرٸ ەر تۇرعىنعا سمارتفون الىپ بەرگەن ارزانعا تٷسەدٸ. سمارتفوننىڭ ٶز باعاسى 5-10 مىڭ تەڭگە. سولاردى ٶز باعاسىمەن الاتىن بولساق, ەربٸر ادامعا سمارتفون الىپ بەرۋگە بولادى. بٸراق ەندٸ ماي قىزمەتكەرلەرٸنە ادامدار ۇيالى تەلەفونى سٶنٸپ قالدى دەپ ايتپاس ٷشٸن ٶزٸمەن بٸرگە باتارەيالار الىپ جٷرۋگە تۋرا كەلەدٸ. سٶيتٸپ ول "مٸنە, ساعان باتارەيا" دەپ ايتادى, - دەپ ەزٸلدەدٸ مۋسين.
سونىمەن قاتار, باعدات مۋسين مەملەكەتتٸك ورگانداردا سمارتفوندار قولدانۋعا تىيىم سالۋعا قارسى ەكەنٸن ايتىپ ٶتتٸ. ونىڭ ايتۋىنشا, اقپاراتتىق قاۋٸپسٸزدٸكپەن قامتاماسىز ەتۋدٸڭ باسقا دا ەدٸستەرٸ بار.
