قىرعىزستان پارلامەنتٸنٸڭ دەپۋتاتى, كەشە عانا پرەزيدەنتتٸككە كانديدات بولعان ومۋربەك بابانوۆ ٶزٸنە قاتىستى قوزعالعان قىلمىستىق ٸستٸ "ساياسي ٸس" دەپ اتادى.
"بٸز بٷگٸن قۇقىق قورعاۋ ورگاندارى تاراپىنان باسسىزدىق جاسالعانىن كٶرٸپ وتىرمىز. ولار ساياسي قىلمىستىق ٸس قوزعاپ وتىر. بۇل بەرٸمٸزگە بەلگٸلٸ", - دەدٸ بابانوۆ.
ول سونىمەن بٸرگە ەلدەگٸ جاعدايعا ٶزٸن كٸنەلاپ, ەزەزٸل ەتٸپ كٶرسەتۋدٸڭ قاجەتٸ جوق ەكەنٸن مەلٸمدەدٸ. "بيلٸك پروبلەمانىڭ كٶزٸ بابانوۆتا ەمەس ەكەنٸن تٷسٸنبەيدٸ. ولار مەنٸ ساياسي الاڭنان الىپ تاستاعانىمەن, پروبلەما شەشٸلمەيدٸ. ەلدٸڭ جاعدايى جاقسارىپ كەتپەيدٸ. شىندىق بەرٸبٸر شىعادى" دەپ قوستى ول.
4 قاراشادا قىرعىزستان باس پروكۋراتۋراسى جوگوركۋ كەڭەش دەپۋتاتى, پرەزيدەنتتٸك سايلاۋدا ٷمٸتكەر بولعان ٶمٸربەك بابانوۆ پەن باسقا تۇلعالارعا قارسى قىرعىزستان قىلمىستىق كودەكسٸ 297-بابىنىڭ 1-تارماعى (كونستيتۋتسييالىق قۇرىلىمدى كٷشپەن ٶزگەرتۋگە شاقىرۋ) جەنە 299-بابىنىڭ 1-تارماعى (ۇلتارالىق, نەسٸلدٸك جەنە دٸني ارازدىقتى قوزدىرۋ) بويىنشا قىلمىستىق ٸس قوزعالعانىن مەلٸمدەگەن.
بۇل ٸس بابانوۆتىڭ 28 قىركٷيەكتە سايلاۋالدى ٷگٸت-ناسيحات ناۋقانى كەزٸندە وش قالاسىنىڭ "ەمٸر تەمٸر" شاعىن اۋدانى تۇرعىندارى الدىندا سٶيلەگەن سٶزدەرٸنە بايلانىستى قوزعالعان.
قىرعىزستان باس پروكۋراتۋراسى "تەرگەۋگە دەيٸنگٸ تەكسەرۋ كەزٸندە جوگوركۋ كەنەش دەپۋتاتى و. بابانوۆتىڭ 2017 جىلى 28 قىركٷيەك كٷنٸ سايلاۋالدى ناۋقانى بارىسىندا وش قالاسى ەمٸر تەمٸر اۋدانىنىڭ نەگٸزٸنەن ۇلتى ٶزبەك تۇرعىندارىمەن كەزدەسكەنٸ انىقتالدى. بابانوۆ ولاردىڭ قولداۋىنا يە بولۋ ماقساتىندا كەزدەسۋدە ەتنيكالىق ٶزبەكتەردٸڭ قۇقىعى شەكتەلەتٸنٸ, ەلدە ۇلتتار تەڭدٸگٸ جوق ەكەنٸ, مەملەكەتتٸك ورگاندار تاراپىنان ٶزبەكتەرگە قىسىم جاسالاتىنى تۋرالى پٸكٸرلەر ايتىپ, مۇنداي جاعدايعا بەلسەندٸ تٷردە قارسىلىق كٶرسەتۋگە شاقىرعان" دەپ حابارلاعان.
ومۋربەك بابانوۆتىڭ ٶزٸ بۇعان دەيٸن ەلگٸ كەزدەسۋدە ايتقان سٶزدەرٸ بۇرمالانعانىن, ەلەكتروندىق باق بەتتەرٸندە تاراعان ۆيدەولاردىڭ "مونتاجدالعانىن" مەلٸمدەگەن بولاتىن.
"رەسپۋبليكا" پارتيياسىنىڭ ٶكٸلدەرٸ ومۋربەك بابانوۆتىڭ قازٸر رەسەيدە ەمدەلٸپ جاتقانىن ايتادى. ونىڭ قاشان ەلگە ورالاتىنى بەلگٸسٸز.
قىرعىزستاندا 15 قازاندا ٶتكەن پرەزيدەنت سايلاۋى كەزٸندە ٶمٸربەك بابانوۆ جەڭٸسكە جەتكەن بيلٸك پارتيياسى اتىنان تٷسكەن سوورونباي جەەنبەكوۆتٸڭ باستى قارسىلاسى بولدى.
