استانادا قىزمەتتٸك مٸندەتٸن اتقارۋ كەزٸندە قازا تاپقان فەلدشەر ۇلدانا مىرزۋاننىڭ ٶلٸمٸنە قاتىستى سوت پروتسەسٸ جالعاسىپ جاتىر, دەپ حابارلايدى ult.kz.
سوت وتىرىسىندا مارقۇمنىڭ ەكس-كٷيەۋٸ ەدٸلەت زەينەل قايعىلى جاعدايدان قالاي حاباردار بولعانىن ايتىپ بەردٸ.
ونىڭ سٶزٸنشە, وقيعا بولعان كٷنٸ ەكەۋٸ جۇمىسقا بٸرگە بارعان. ساعات 10:00 شاماسىندا ۇلدانا زارداپ شەككەن ادامدى اۋرۋحاناعا جەتكٸزۋ ٷشٸن كەتكەن. وسىدان كەيٸن ول حابارلامالارعا جاۋاپ بەرمەي قويعان.
شامامەن 50 مينۋتتان كەيٸن ەدٸلەت زەينەلگە تەلەفون شالىپ, ۇلدانانىڭ قابىلداۋ بٶلٸمٸندە جاتقانىن حابارلاعان. الايدا ول باستاپقىدا بۇل اقپاراتتى ەزٸل دەپ قابىلداعانىن ايتتى. كەيٸن تٶمەن تٷسٸپ, مارقۇم ەيەلٸنٸڭ دەنەسٸن ٶزٸ تانىعان.
سوتتا زەينەل سونداي-اق 19 قاراشادا ۇلدانانىڭ ەپكەسٸمەن بٸرگە ەكٸمدٸككە بارعانىن ايتىپ بەردٸ. ونىڭ سٶزٸنشە, سول جەردە مەسليحات دەپۋتاتى مارقۇمنىڭ وتباسىنا 20 ميلليون تەڭگەنٸ قولما-قول بەرگەن.
الايدا بۇل اقشاعا قاتىستى ەشقانداي قۇجاتقا قول قويىلماعانىن مەلٸمدەدٸ.
ايتا كەتەيٸك, ۇلدانا مىرزۋان 2025 جىلعى 8 قاراشادا استانادا تۇرعىن ٷيدٸڭ سىرتقى قاپتاماسى وپىرىلعان جەرگە جەدەل جەردەم بريگاداسىمەن بارعان. قۇتقارۋ جۇمىستارى كەزٸندە عيماراتتان كونديتسيونەر قۇلاپ, فەلدشەر اۋىر جاراقات العان. ول 10 كٷن جانساقتاۋ بٶلٸمٸندە جاتىپ, 18 قاراشادا كٶز جۇمدى.
قازٸر ٸس استانانىڭ قىلمىستىق ٸستەر جٶنٸندەگٸ اۋدانارالىق سوتىندا قارالىپ جاتىر. سوتتا وقيعانىڭ مەن-جايى مەن وعان جاۋاپتى تۇلعالاردىڭ ەرەكەتٸنە قۇقىقتىق باعا بەرٸلمەك.
