تۋريزم جەنە سپورت مينيسترٸ ەربول مىرزابوسىنوۆ استانادا ۇلتتىق قۇرامانىڭ قورىتىندى وقۋ-جاتتىعۋ جيىنىندا سپورتشىلارعا XX جازعى ازييا ويىندارىنداعى التىن مەدال ٷشٸن قانشا سىياقى تٶلەنۋٸ جوسپارلانىپ وتىرعانىن ايتتى, دەپ حابارلايدى ult.kz.
ۆەدومستۆو باسشىسىنىڭ سٶزٸنشە, مەملەكەت باسشىسىنىڭ تاپسىرماسىنا سەيكەس سپورتشىلاردى قوسىمشا ىنتالاندىرۋ باعىتىندا جۇمىس جٷرگٸزٸلٸپ جاتىر. اتاپ ايتقاندا, ازييا ويىندارىندا جٷلدە العان سپورتشىلارعا بەرٸلەتٸن سىياقى كٶلەمٸن ەدەۋٸر ارتتىرۋ كٶزدەلۋدە.
ونىڭ ايتۋىنشا, تيٸستٸ تاپسىرما ٶڭٸرلەرگە بەرٸلگەن. وسىعان بايلانىستى جۋرناليستەر سىياقى مٶلشەرٸ قانشا بولاتىنىن سۇرادى.
«بۇل نورمانى زاڭنامالىق تۇرعىدا ەنگٸزۋ بويىنشا جۇمىس ٸستەپ جاتىرمىز. بۇعان دەيٸن سپورتشىلار 5, 10 نەمەسە 15 مىڭ دوللار كٶلەمٸندە سىياقى الاتىن. ەندٸ التىن مەدال ٷشٸن 50 مىڭ دوللار تٶلەۋدٸ جوسپارلاپ وتىرمىز. الايدا دەل وسى ازييا ويىندارىندا سىياقى بيۋدجەتتەن تىس قاراجات ەسەبٸنەن بەرٸلەدٸ. قازٸر بۇل باعىتتا تيٸستٸ جۇمىستار جٷرگٸزٸلٸپ جاتىر. راسىندا, ازييا ويىندارىنداعى التىن مەدالدٸڭ ماڭىزى ٶتە جوعارى. ازييا قۇرلىعىندا بەسەكەسٸ ٶتە مىقتى قۇرامالار مەن ەلدەر بار. سوندىقتان التىن مەدال جەڭٸپ الۋ وڭاي ەمەس», - دەدٸ ول.
ايتا كەتەيٸك, XX جازعى ازييا ويىندارىندا سپورتتىڭ 35 تٷرٸنەن 570-نەن استام وتاندىق سپورتشى سىنعا تٷسەدٸ. تۋريزم جەنە سپورت مينيسترٸ ۇلتتىق قۇرامانىڭ بٸرقاتار كٶشباسشىسىنىڭ ەسٸمٸن اتادى.
قۇراما ساپىنا دزيۋدودان وليمپيادا چەمپيونى ەلدوس سمەتوۆ ەندٸ. سونداي-اق قازاقستان اتىنان سەمسەرلەسۋدەن ەلەم چەمپيوندارى رۋسلان قۇربانوۆ, كيريلل پروحودوۆ, ەرلٸك سەرتاي جەنە ۆاديم شارلايموۆ ٶنەر كٶرسەتەدٸ.
قاتىسۋشىلار قاتارىندا ازييا چەمپيونى يرينا باكالدينا, قىلىشتاسۋدان ايگەرٸم سارىباي, اناستاسييا گۋليك جەنە كارينا دوسپاي, سونداي-اق ارتەم ساركيسيان, نازارباي ساتتارحان مەن نۇرمۇحاممەد جايلىباي بار.
ٷستەل تەننيسٸنەن قازاقستان ساپىندا كيريلل گەراسيمەنكو, الان قۇرمانعاليەۆ جەنە سارۆينوز ميركاديروۆا باق سىنايدى.
مينيستردٸڭ ايتۋىنشا, جالپى ۇلتتىق قۇراما ساپىندا 570-تەن استام سپورتشى بولادى.
