قر قارجى مينيسترٸ باقىت سۇلتانوۆ ەزەربايجاننىڭ حالىقارالىق بانكٸنە ينۆەستيتسييالانعان زەينەتاقى قورىنىڭ ميللياردتاعان قارجىسى قالاي قايتارىلاتىنىن ايتتى, دەپ حابارلايدى Sputnik قازاقستان تٸلشٸسٸ.
بٷگٸن مەجٸلٸستە دەپۋتات ۆلاديسلاۆ كوسارەۆ مينيستردەن ەزەربايجاننىڭ حالىقارالىق بانكٸنە ينۆەستيتسييالانعان زەينەتاقى قورى قارجىسىنىڭ تاعدىرى نە بولىپ جاتقانىن سۇرادى.
"بٸز ول قاراجاتتى جوعالتقان جوقپىز. بانك بانكروتتىققا ۇشىراپ, كرەديتورلاردىڭ كٶپشٸلٸگٸ قارىزدى قايتا قۇرىلىمداۋ تۋرالى شەشٸمدٸ قولداماعان جاعدايدا وسىنداي قاۋٸپ بولار ەدٸ. بٷگٸندە بانكتٸڭ بۇل وبليگاتسييالارى ەزەربايجاننىڭ مەملەكەتتٸك باعالى قاعازدارىنا ايىرباستالدى. نەتيجەسٸندە قارىزدى قايتارۋ مەرزٸمٸ 15 جىلعا ۇزارتىلدى. 250 ميلليون دوللار 3,5 پايىزدىق ستاۆكامەن تٶلەنەدٸ. سوندىقتان, بٸز قاراجاتتان ايىرىلدىق دەپ ايتۋعا بولمايدى. ەرينە, باستاپقى ينۆەستيتسييالاۋ شارتىمەن سالىستىرعاندا ايىرماشىلىق بولادى. بٸراق, نەگٸزگٸ اقشانى بٸز جوعالتقان جوقپىز", — دەپ جاۋاپ بەردٸ سۇلتانوۆ.
ٶز كەزەگٸندە ۇلتتىق بانك تٶراعاسىنىڭ ورىنباسارى الپىسباي احمەتوۆ قارىزدى قايتارۋ شىعىنسىز بولمايتىنىن مويىندادى.
"ەزەربايجان حالىقارالىق بانكٸ ٶز قۇندى قاعازدارىن 8,5 پايىزدىق ستاۆكامەن ون جىلعا شىعارعان بولاتىن. قازٸر ولار مەملەكەتتٸك باعالى قاعازدارعا اۋىستىرىلعان كەزدە 3,5 پايىزدىق ستاۆكاعا دەيٸن تٶمەندەدٸ. ەرينە, تٷسٸم ازايدى, شىعىن بار. بٸراق زەينەتاقى قورىنىڭ قاراجاتى ساقتالىپ قالدى", — دەدٸ ول.
ەسكە سالا كەتسەك, بيىل جازدا زەينەتاقى قورىندا ٷلكەن داۋ-داماي شىقتى. سالىمشىلاردىڭ 71,6 ميلليارد تەڭگەسٸ ەزەربايجاننىڭ بانكروت بولعان حالىقارالىق بانكٸنە ينۆەستيتسييالانعانى مەلٸم بولدى. بۇل وقيعادان كەيٸن قورداعى ميللياردتاعان قارجىنىڭ ساقتالۋىنا قوعام الاڭداۋشىلىق بٸلدٸردٸ. ال كەيبٸر ەكونوميستەر مۇنداي اقىلعا قونىمسىز شەشٸمگە تاڭدانىسىن جاسىرمادى.
قازاقستاندىقتاردىڭ زەينەتاقىسىنا ەزەربايجاندىق بانكتٸڭ باعالى قاعازدارىن ساتىپ الۋ تۋرالى شەشٸم ۇلتتىق بانككە قايرات كەلٸمبەتوۆ جەتەكشٸلٸك ەتكەن جىلدارى قابىلدانعان. سوندىقتان بولار ٷكٸمەت ونى بٸرىڭعاي جيناقتاۋشى زەينەتاقى قورىنىڭ ديرەكتورلار كەڭەسٸنە قايتارادى. كەيٸن كەلٸمبەتوۆ ەزەربايجاندىق بانككە سالىنعان قارجىنى تولىق قايتاراتىنىن مەلٸم ەتتٸ. بٸراق وعان دەيٸن ۇلتتىق بانك تٶراعاسى دانييار اقىشەۆ بانك قارىزىن قايتا قاراۋدىڭ ٷش جولى ۇسىنىلعانىن, ٷشەۋٸ دە شىعىنسىز بولمايتىنىن ايتقان ەدٸ.
