ەزەربايجان قورعانىس مينيسترلٸگٸ ارمەنييانى ٸرٸ ەلەكتر ستانتسيياسى شوعىرلانعان مينگەچەۆير (مينگەچاۋر) قالاسىن زىمىرانمەن اتقىلادى دەپ ايىپتادى. ەزەربايجان پرەزيدەنتٸنٸڭ كٶمەكشٸسٸ حيكمەت گادجيەۆ ەزەربايجان استاناسى باكۋ ماڭىنداعى حىزى جەنە اپشەرون اۋدانىنىڭ دا اتقىلاۋعا ۇشىراعانىن حابارلادى. اتالعان ەلدٸ مەكەندەردٸڭ بارلىعى تاۋلى قاراباقتان جىراق ورنالاسقان.
ەزەربايجان باس پروكۋراتۋراسىنىڭ حابارلاۋىنشا, ارميان تارابى مينگەچەۆير قالاسىن ٷش زىمىرانمەن اتقىلاعان, سونىڭ كەسٸرٸنەن بەس تۇرعىن زارداپ شەككەن.
ارمەنييا قورعانىس مينيسترلٸگٸ جەنە ٶزٸن رەسپۋبليكا دەپ جارييالاعان تاۋلى قاراباق بيلٸگٸ باكۋدٸڭ اتىس جايلى مەلٸمدەمەسٸن جوققا شىعارىپ, ونى "ارانداتىپ وتىر" دەپ ايىپتادى.
جەكسەنبٸ كٷنٸ تاڭەرتەڭ تاۋلى قاراباقتان الىستا ورنالاسقان ەزەربايجاننىڭ گياندجا قالاسى دا شابۋىلعا ۇشىراعان. تاۋلى قاراباقتاعى ارميان كٷشتەرٸ بۇعان دەيٸن ەزەربايجان ەسكەرٸنٸڭ ستەپاناكەرت پەن ٶزگە ەلدٸ مەكەندەرگە شابۋىل جاساعانىن مەلٸمدەپ, مۇنى "قارىمتا شابۋىل" دەپ اتادى. ەزەربايجان بيلٸگٸنٸڭ مەلٸمدەۋٸنشە, گياندجا قالاسىن اتقىلاۋ كەزٸندە بٸر ادام قازا تاپقان.
ەزەربايجان پرەزيدەنتٸ يلحام ەليەۆ جەكسەنبٸ كٷنٸ كەشكە حالىققا جاساعان جولداۋىندا ەگەر ارمەنييا تاۋلى قاراباقتى ەزەربايجان اۋماعى دەپ تانىسا جەنە ەسكەرٸن قاشان شىعاراتىنىن حابارلاسا, تاۋلى قاراباقتا اتىستى توقتاتىنىن مەلٸمدەدٸ. ول سونىمەن بٸرگە 1990 جىلدان بەرٸ ارمياندار باقىلاۋىندا بولعان جەبرايل مەن ٶزگە دە بٸرقاتار ەلدٸ مەكەندەردٸڭ ەزەربايجان جاعىنا ٶتكەنٸن ايتتى. الايدا ارمەنييا جەبرايلدەن ايىرىلعانىن جوققا شىعاردى.
تاۋلى قاراباق پەن وعان جاپسارلاس جاتقان اۋداندا جاعداي 27 قىركٷيەكتە كٷرت ۋشىققان. ەزەربايجان مەن ارميان تارابى بٸر-بٸرٸن "اتىستى بٸرٸنشٸ باستادى" دەپ كٸنەلادى. بۇعان دەيٸن بۇۇ, رەسەي, فرانتسييا, اقش جەنە ٶزگە ەلدەر ەكٸ تاراپتى كەلٸسسٶز ٶتكٸزۋگە شاقىرعان.
