ادامزات ٶمٸرٸنە ەلەۋلٸ ەسەر ەتكەن جاڭالىقتار ۇلى دالا كەڭٸستٸگٸندە كٶپتەپ كەزدەسەدٸ. ەلباسىنىڭ «ۇلى دالانىڭ جەتٸ قىرى» اتتى ماقالاسىنا وراي پارلامەنت مەجٸلٸسٸنٸڭ دەپۋتاتى ازات پەرۋاشەۆ وسىلاي پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«بۇل ماقالا ۇلتتىق ۇستانىمعا ەرٸ ساناعا قاتىستى تىڭ سەرپٸن بەرەتٸن مٸندەتتەردٸ قامتىپ وتىر. ٶكٸنٸشكە قاراي, بٸراز بۋىندار بويى بٸز ٶزٸمٸزدٸڭ تاريحىمىزدى, ٶتكەن عاسىرلاردى تەك قايعىلى جاعىنان عانا ەستە ساقتاپ, وسىنداي كٶزقاراستى قالىپتاستىردىق. بۇعان قاتىستى تاريحي سەبەپتەر دە از ەمەس. وسى ورايدا حالقىمىز اشارشىلىق, ساياسي قۋعىن-سٷرگٸن, سوعىس اۋىرتپالىعى سەكٸلدٸ نەۋبەتتٸ كەزەڭدەردٸ باسىنان ٶتكەردٸ. ەلباسى ماقالاسىندا بٸزگە تاريحي پوزيتيۆيزمگە جول كٶرسەتٸپ وتىر, ياعني اتا-بابالارىمىز ادامزاتتىڭ دامۋىنا ەلەۋلٸ ىقپال ەتكەندٸگٸنە نازار اۋداردى», - دەپ توقتالدى دەپۋتات.
بۇل تۇرعىدا ا. پەرۋاشەۆ اتقا مٸنۋ مەدەنيەتٸ مەن جىلقى شارۋاشىلىعىنىڭ دامۋىنا قاتىستى بٸزدٸڭ ٶڭٸردٸڭ جەتٸستٸگٸ وراسان زور ەكەنٸن اتاپ ٶتتٸ.
«پرەزيدەنت ماقالاسىندا بۇل تاقىرىپقا ەگجەي-تەگجەيلٸ توقتالىپ ٶتتٸ. نەگٸزٸ, جىلقى شارۋاشىلىعىنا قاتىستى بٸزدٸڭ بابالارىمىز تاريحي ماڭىزدىلىعى بار جاڭالىقتى اشتى», - دەدٸ ول.
دەپۋتاتتىڭ پايىمىنشا, بٷگٸندە جاس بۋىننىڭ باتىس ٶركەنيەتٸنە ەلٸكتەۋٸ جيٸ كەزدەسەدٸ. سەيكەسٸنشە, وسى دامىعان ەلدەردە قالىپتاسقان ەدٸستەمەلەرگە ٷيرەتۋ ٷردٸسٸ قالىپتاستى.
«بۇل دا دۇرىس شىعار, بٸراق ادامزات ٶمٸرٸنە ەلەۋلٸ ەسەر ەتكەن جاڭالىقتار ۇلى دالا كەڭٸستٸگٸندە دە كٶپتەپ كەزدەسەدٸ. سوندىقتان مەملەكەت باسشىسى تەرەڭدە جاتقان تاريحىمىزدا ەلدٸڭ ەڭسەسٸن كٶتەرەتٸن فاكتٸلەر از ەمەس ەكەنٸنە ەكپٸن قويىپ وتىر. سەبەبٸ بٸزدٸڭ ٶڭٸر جاڭا تەحنولوگييالاردى شىعارۋعا ٷلەس قوسقان. سوندىقتان بٸزدٸڭ جاس بۋىننىڭ قانىندا يننوۆاتسيياعا, جاڭالىقتارعا قابٸلەتٸ بار ەكەنٸن كەڭٸنەن ايتۋىمىز كەرەك. بٷگٸندە بٸزدٸڭ جاس عالىمداردىڭ اشقان جاڭالىقتارى دامىعان ەلدەردەگٸ ٷردٸستەن ەش كەم ەمەس», - دەدٸ ازات پەرۋاشەۆ.
