مەملەكەت باسشىسى بٷگٸنگٸ جولداۋىندا پرەزيدەنت ەكٸمشٸلٸگٸنە اۋىلداردا ازاماتتىق باستامالاردى قولداۋدىڭ تيٸمدٸ تەتٸگٸن ەزٸرلەۋدٸ تاپسىردى, دەپ حابارلايدى قازاقپارات.
«جەرگٸلٸكتٸ ٶزٸن-ٶزٸ باسقارۋدى ەرٸ قاراي جاڭعىرتۋدىڭ باستى فاكتورى – ازاماتتىق مەدەنيەتتٸ دامىتۋ. پرەزيدەنت ەكٸمشٸلٸگٸنٸڭ الدىندا اۋىلداردا ازاماتتىق باستامالاردى قولداۋدىڭ تيٸمدٸ تەتٸگٸن ەزٸرلەۋ مٸندەتٸ تۇر. گرانتتىق قارجىلاندىرۋ جٷيەسٸن اۋىلداعى ٷكٸمەتتٸك ەمەس ۇيىمداردىڭ ٶتٸنٸمٸنە بەيٸمدەپ, ول گرانتتاردى الۋ جولدارىن جەڭٸلدەتۋ ماڭىزدى. بۇل اۋىلداعى ەلەۋمەتتٸك بەلسەندٸلٸككە سەرپٸن بەرەدٸ», دەدٸ مەملەكەت باسشىسى پرەزيدەنت پارلامەنت پالاتالارىنىڭ بٸرلەسكەن وتىرىسىندا.
سونداي-اق, پرەزيدەنت جولداۋىندا ۇلتتىق قوردىڭ اكتيۆتەرٸن قالپىنا كەلتٸرۋ ٷشٸن بيۋدجەتتٸك ەرەجەگە كٶشۋدٸ جەدەلدەتۋدٸ تاپسىردى.
«سوڭعى كەزدە مەملەكەتتٸك شىعىس مٸندەتتەمەلەرٸن جابۋ ٷشٸن بيۋدجەت تاپشىلىعى مەن ۇلتتىق قوردان الىناتىن ترانسفەرتتٸڭ ارتۋ تەندەنتسيياسى بايقالۋدا. ٷنەمٸ مۇنداي جەڭٸل جولمەن جٷرۋ مٷمكٸن ەمەس. قارجىلىق تۇراقتىلىق قورى شەكسٸز ەمەس. بيۋدجەتتٸڭ كٸرٸسٸن ارتتىرۋ بويىنشا شارالار قاجەت ەكەنٸ انىق. بٸراق بٸرٸنشٸ كەزەكتە مەملەكەتتٸك شىعىنداردىڭ كٶلەمٸ مەن تيٸمدٸلٸگٸنە باقىلاۋ كەرەك. ۇلتتىق قور اكتيۆتەرٸن قالپىنا كەلتٸرۋ ٷشٸن بيۋدجەتتٸك ەرەجەنٸ ەنگٸزۋدٸ جەدەلدەتۋ كەرەك. تيٸستٸ زاڭنامالىق تٷزەتۋلەر جىلدىڭ سوڭىنا دەيٸن قابىلدانۋى قاجەت», - دەدٸ پرەزيدەنت.
